Chief Justice SA Bobde-a kahhruai bench hmaah senior advocate Kapil Sibal chuan Assam NRC coordinator puhna hi sawi chhuakin coordinator-in a tih loh tawp tur a ti a, Assam sorkar chu a insawifiah ngei a ngai tih a sawi a ni.
He thubuai ngaihtuahnaah hian Assam state coordinator, Hitesh Dev Sarma-a chawlhtir theih dan tur pawh ngaihtuah tel a ni bawk. Assam NRC-ah hian an nu le pate telh siin an fate telh loh, naupang 60 vel an awm a ni.
Sorkar laipui leh Assam sorkar aiawha ding, Attorney General KK Venugopal leh Solicitor General Tushar Mehta te chuan NRC list-a an chhungte awm renga naupang hmaih chu thil kalphung a ni lo tih Court an hrilh a ni.
