West Bengal CM, Mamata Banerjee-i’n Assam-a Bengali engemawzat, National Register of Citizens avanga ram khua leh tui an nihna hloh hlauthawngte thlavang hauh nan an party MP-te chu Parliament bulah lungawi lohna lantir turin a hrilh a, NRC hi BJP-in ram mipuite \hen darh a tumna thar nia sawiin, tangka note lian tihtawp leh FRDI Bill hnu lamah he hmanrua hi BJP sorkarin a hmang leh ta niin a sawi. Trinamool Parliamentary Party chuan an MP-te chu vawiin khan Parliament House bula Gandhi-a lim bulah kal khawm turin a ti a, Rajya Sabha-a Trinamool hruaitu, Derek O’Brien-a chuan hetianga inthliarna hi Parliament in hnihah pawh an dodal tur thu a sawi. Kum 1960 chho leh 1970 velah pawh khan Assam-a “Bongal kheda” campaign avangin Bengali tam tak chu Assam a\angin Bengal-ah an l<t niin Mamata chuan a sawi a, hetiang bawk hian Bengali te chu Assam a\angin hnawhchhuah an ni leh ta nia sawiin, an in\henawm avangin Assam-a thil thlengin chawp leh chilhin Bengal a nghawng ve nghal zel niin a sawi a, BJP thil tih chu a hlauhawm em avangin an thlir liam mai dawn lo niin a sawi bawk. Tun hma chuan Bengali te hnawhchhuah hi hmarchhak bialah chauh a ni a, tunah chuan Bengal mite chu BJP rorelna state dangah pawh beih an ni ta niin Mamata chuan a sawi bawk a, Gujarat leh Rajasthan-ah hetiang hi a thlen hnuah Assam-ah a thleng leh ta nia sawiin, Bengali nih avanga ngai thei lo leh nek chepah BJP chu a puh a ni.
Puan tawh angin, ram pawn a\anga dan bawhchhiaa Assam-a l<tte hriat theihna tur chu kum hlui tawp rual khan tlangzarh a ni a, dilna, vbc. 3 leh nuai 29 vel thehluh zinga mi vbc. 1 leh nuai 90 chu khua leh tui dikah pawm an ni a, mi 20,000 vel hnawl an ni a, tunah hian tlangzarh kim loh, endik mek engemawzat an la awm bawk. Assam CM, Sarbananda Sonowal-a chuan ram dang a\anga dan kalha Assam-a l<t, awm nghet ta-a ngaih, hn^wl t^kte chu ram khua leh tuiten danpui hnuaia chanvo an neihte p>k an nih ve loh tur thu a sawi a, sorkar laipuiin heng mite hnawhchhuah chungchanga thu tawp a siam hma chuan, Assam-ah hian khawngaihnaa an chen chhunzawm phalsak an nih tur thu leh, UN hnuaia mihring dikna leh chanvo pangngai – chaw, chenna leh thawmhnaw b^k engmah beisei theih an neih tawh loh thu te, heng mite thawn haw dan tur chu la ngaihtuah a nih tur thute pawh Pu Sonowal-a chuan a sawi a, ram dang mite hi hriat chian vek hnuah, an chunga thil tih dan tur chu buaipui zui a ni dawn niin a sawi bawk.
