Assam-a National Register of Citizens, NRC tihchhuah tharah mi nuai 40 vel telh an nih loh vangin eptu lam party-te an lungawilo hle a, Parliament inkhawm pawh tihtawp lailawk a ni.

Rajya Sabha-ah BJP hotupa, Amit Shah-a’n thu a sawi hnuah, Trinamool Congress MP-te’n an \huthmun a\angin an lungawiloh thu an aupui a, MP dangte’n an zawm ve leh hnuah, Rajya Sabha Chairman, Venkaiah Naidu chuan vawiin atan inkhawm a titawp lailawk ta a ni. Trinamool MP Sukhendu Roy chuan February thla khan Assam-a mi nuai 2.4 vel chu khua leh tui an nihna finfiah theih loh niin sorkar-in a lo sawi tawh thu leh mi \henkhatin NRC hi Supreme Court hriatpuina veka kalpui anga an sawi chu thudik tawk lo a nih thu a lo sawi tawh a ni. Lok Sahba lamah pawh eptu lam party MP-te chuan Parliament tualah khua leh tui \hahnem tak NRC-a telh an ni lo chuan hriatthiam loh thu an aupui ve bawk a, Congress leh Trinamool Congress-te chuan Assam-a muslim mi te beihna chi khata an ngaih thu-te pawh an sawi a, Union Home Minister Rajnath Singh chuan eptu lam party-te chu NRC leh politics sawi zawm lo tur leh mipui ti chiai zawnga thu sawi lo turin a ti ve thung a, tuna NRC tarchhuah tak chu a tawpna a la nih loh thu leh hming la chuang ve lo te pawhin khua leh tui an nihna finfiah turin Foreigner’s Tribunal an la pan theih reng thu te a sawi bawk a ni.