Assam-a National Register of Citizen NRC buatsaih mekah data \henkhat leh email pawimawhte paih ruk a awm nia sawi a ni a, a chhui chiangtu tur ruat turin NRC buaipuitute hian central sorkar an ngen dawn nia hriat a ni.

email pawimawh \henkhat te hi nikum November leh December thla bawr vela delete nia hriat a ni a, hetih hunlai hi NRC Coordinator Prateek Hajela sawn chhuak-a Hitesh Dev Sarma-a’n a thlak hunlai a ni. Ramdangmi te um chhuak tura khua leh tui te chhin chhiah fel hna hi Supreme Court vilna hnuaia kalpui a nih avangin Assam NRC Directorate hian Supreme Court ah pawh ngenna a thehluh a \ul dawn nia sawi a ni.

Official zinga pakhat, hming chhutluh dan viltu pakhat chu Hajela sawn chhuah a nih hnu lawkah a bang a, ani hian email passward chu midang a hrilh chhawng lo a, NRC buaipuitute hian Ajupi Baruah lakah hian Nilaini khan police te hnenah complaint an thehlut a, email passward a hrilh chhawng duh lo niin an sawi.

Pawl pakhat pawhin Hajela lakah hian Assam Police te hnenah complaint an thehlut bawk a, NRC record pawimawh tak tak ti chingpenah an puh a ni.

Home Ministry chuan NRC data hi a him tih a sawi thung a, Assam Minister Himanta Biswa Sarma chuan website a\anga data dah bo anih chhan chu NRC buaipuitute leh Wipro inkarah bill ba chinfel ngai a awm vang niin a sawi bawk.