Asifa pawngsuala that zui tu, mi 8 chungthu SC-in ngaihtuah dawn

Kumin January thlaa Jammu & Kashmir Kathu-a hmeichhe pakhat kum riat mi, Asifa Bano pawngsuala thattu mi 8-te thubuai Supreme Court-in a ngaihtuah dawn. Supreme Court chuan heng mi 8-te aiawha ding tur, ukil-te’n thubuai ziah luh khap an tum thu leh Asifa chhungte an vau tih a chhinchhiah nghal a ni. Asifa hi January ni 10 khan an chenna in kawt a\angin hruai bo a ni a, damdawi-a hrai ruih a nih thu leh ni thum chhung mi pathumin an pawngsual rawn tih police-te’n an sawi a, a ruang hi January ni 17 khan hmuh a ni. Asif hruai bo tu ber, kum 19 mi police-te’n an man a\angin he thila inhnamhnawih zawng zawng hi hriatchhuah an ni tawh a, an zingah hian Police Officer-te pawh an tel a ni. He thil thleng vang hian Union Minister, Maneka Gandhi chuan an kaihhruai sorkar-in POCSO Act-ah kum 12 hnuai lam pawngsualtute thi tura hrem theihna dan telh a tum thu vawiin khan a sawi a, J&K CM Mehbooba Mufti pawhin hemi zulzui hian dan thar siam a tum thu leh kum tling lo pawngsualtu reng reng tihhlum theihna dan siam ngei a tum thu a sawi ve bawk a ni.