Nimin khan kum 56 mi coronavirus kai chu a thi a, amah hi hmun dang khawiah mah a zin chhuak lo a, a chenna hmun hi tlawh pawh theih loha khar nghal a ni a, a chenpui mi pasarihte chu khung hran nghal an ni. He pa pakhat chenna hi Slum Rehabilitation Authority SRA scheme hnuaia sak building pakhat a ni a, flat 300 a awm a, a vai hian khar nghal a ni.
Mumbai hi India rama coronavirus darhna hmunpui pakhat a ni a, mi 180 chuangin an kai tih hmuh chhuah a ni tawh a, mi 9 an thi tawh a ni. Maharastra pumah hian hri leng kai mi 335 leh thihpui mi 16 an awm tawh a ni.
