Asia Bibi ukil, Saif-ul-Mulook chuan thubuaia hnehna an chan vangin a nunna a derthawng hle niin a sawi a, venhimna emaw inhumhimna tur ruahmanna engmah a neih loh avangin tupawhin an that thei reng niin a sawi bawk.

Puan tawh angin Islam sakhua tibawrhbangah Asia Bibi hi puh a ni a, a chungchang ngaihtuahtu Pakistan Court chuan thiam a chantir a, hei vang hian Muslim pawl hrang hrang an lungawi lo hle a, a chungchang ngaihtuahtu Chief Justice Saqib Nasir leh roreltu dang pahnih-te pawh nasa taka beih an ni a, thaha vauna te pawh an dawng nasa hle a ni. Asia Bibi thiam chantir a nih vang hian lungawilohna Tehreek-e-Labaik political party chuan nimin a\ang khan a lo lan tir tawh a, vawiin lamah pawh khan Karachi panna lamlian tam zawk chu danchah a ni a, zirna in te pawh khar a ni bawk a, Court tualzawlah an pungkhawm bawk a ni.