Delhi-a hmunpui nei, AAP hian an party zawm thar duhten missed call hmanga an party an zawm theihna tur phone number an pho chhuak a, Delhi Assembly inthlanpuia hnehna an chan a\anga darkar 24 chhungin mi maktaduai khat chuangin an party an zawm thar tih an sawi,
BJP in Union Minister rual leh an party mi challang tak tak te nen campaign beihpui an thlak chungin AAP hian Delhi Assembly ah thuneihna chang zuiin bial 70 awmah bial 62 zet an la a, BJP chuan seat 8 chiah an la phak a, kum 2015-a seat 3 an lak ai chuan hma an sawn hret chauh a ni. AAP hian hnehna an chan chu BJP in mipuite \hendarh zawnga politics a kalpui laka hnehna a ni an ti. Delhi Assembly-a kum 2013 thleng, kum 15 chhung zet ro lo rel tawh Congress chuan inthlanna neih zawh takah khan seat pakhat mah an la phak lo a ni.
A \erm thumna atan kum 51 mi, Kejriwal chu Delhi Chief Minister atan Pathianni khian lakluh a ni dawn a, Ramlila Maidan-a lakluhna inkhawmah hian state dang chief minister emaw state dang political party hruaitu emaw tumah an tel dawn lo tih AAP hruaitu Gopal Rai chuan a sawi.
