Arunachal Pradesh tlangpang ramngaw-a India sipai thlawhna pakhat tla-a chuangte ruang chu lak chhuah a ni ta.

Tun thla tira he thlawhna chesuala chuang mi 13 te hi an vaiin an thi vek a, nasa taka zawn anih hnuah thlawhna tla hi tun thla ni 11 khan Mi-17 helicopter hmanga hmuh a ni a, ruang la chhuak tur hian beihpui thlak zui a ni. He thlawhna Soviet thiamna hmanga siam hi June ni 3 khan Assam Jorhat a\anga thlawk chhuakin Arunachal Pradesh Mechuka \umhmun a pan a, chin hriat lovin a bo zui a ni. Ruang te hi Jorhat-a Airforce hmunah lak a ni ang. An-32 thlawhna hi tlang sang tak feet 12,000 vela sang, ngaw karah a tla a, a tlakna hmun hi hmun chhengchhe tak a nih avang leh nasa taka ruah a sur reng bawk avangin ruang la chhuak tur hian hun rei tak tlanglawn thiamte nen sipaite hian an bei a ni. Thlawhna tla-a thi te zingah hian Flight Lieutenant Ashish Tanwar leh Sandhya Tanwar pawh a tel a, a nupui Flight Lieutenant ve tho Sandhya Tanwar chu Jorhat \umhmuna Air Traffic Controller a ni nghe nghe.