Arunachal Pradesh Tezu-ah mipui pungkhawmin nimin khan police station an bei a, mi pawngsualtua puh, mi pahnih Lock-up atanga pawt chhuakin an chil hlum. Thuneitute chuan mi pawngsualtua puh pahnih-te hi Assam mi, hnathawk tura Arunachal Pradesh-a awm an nih thu leh naupang kum 5 mi pawngsuala that zuia puh an nih thu an sawi a, naupang hi tun thla ni 12 atang khan chin hriat lohin a bo a, ni 17 khan a ruang chhar a ni an ti a, an mi man pahnih-te hi chawlhni khan an thil tihah an inpuang tawh niin an sawi bawk. Arunachal Pradesh Eastern Range DIG, Apur Bitin chuan pungkhawmte hi mi 1000 vel an ni a tia, hriamhrei chi hrang hrang leh thingfak nena thawkchhuak an nih thu leh, police thenkhat pawh an hliam thu a sawi bawk a, lock-up an tihchhiat theih dan an chhui mek thu leh, tualthah thubuai ziahluh a nih tawh thu a sawi bawk.
Chanchin Thar Arunachal Pradesh-ah mipui pungkhawmin police station bei, mi pawngsualtua puh, mi pahnih...
