Thlawhna sipai hotu lu, Air Chief Marshal B.S. Dhanoa chuan, Zirtawpni kal taa Arunachal Pradesh-a Tawang bula Mi-17 helicopter tla kha a mei lam vir a thlawn a ni mai thei tih a sawi a, puan tawh angin, kha thil thlengah hian thlawhna sipai 5 leh khawmual sipai 2 an thi a ni. He helicopter hi China ramri hnaih, tlang rama sipaite mamawh phura kal a ni a, Air Chief Marshall chuan, kha vanduaina thlen dan kha chhui mek a nih avangin, tunah chuan thil sawi chian theih a la ni lo tih a sawi. Kha thlawhna kha a khawl buai avanga chesual chu niin a lang lo niin a sawi bawk. He helicopter tlaa thite ruang hmuh theih ang ang hi parachute leh lehkha khawng bawma khung a ni a, mi \henkhat chuan kuang pangngaia khung tur nia sawiin, sipai hotute chungah an lungawi lo hle a, mahse an tl^kna hmun hi tlangram kilkhawr leh chhengchhe tak a nih avangin, chawp leh chilha hman mai tur kuang a awm mai lo a, ruang hi a rang thei ang bera lak khawma seng hawi a \ul avangin, hmun remchang hmasa bera kuanga dah atan lehkha khawng bawmah dah lailawk mai niin sipai hotute chuan an sawi a, Defence Minister, Nirmala Sitharaman pawhin thil awm dan enin, hei hi a remti niin an sawi.
Chanchin Thar Arunachal Pradesh-a Tawang bula helicopter tla kha a mei lam vir a...
