Arunachal Pradesh-a IAF helicopter chesualah sipai 7 thi

Arunachal Pradesh-a Tawang bulah Indian Air Force helicopter a chesual a, sipai 7 an thi. He thlawhna, Mi-17 V5 an tihah hian thlawhna sipai 5 leh khawmual sipai 2 an chuang a, China ramri bula Tawang biala a thlawh lai, tukin dar 6 vel khan Tawang khua a\anga km 130 a hla, Yangchi-ah ft 17,000 vela sang a\anga a tla a ni. Hetiang helicopter hi Russia siam, helicopter-ah chuan India thlawhna sipaite rinrawl ber a ni a, tunah hian 150 vel an hmang mek a, a dang 48 an chah belh mek nia hriat a ni. He thlawhna hi sipaite tana khawnvartui thlâk tura thawk chhuak a ni a, khawnvartui \in engemawzat a phur a, an thlâk dawn laiin khawvartui \in phuarna lèn chu thlawhna hnung virah a inbât buai niin an sawi. He helicopter hi a kang nghal a, a mi phurhte hi an thi vek a, an zinga pakhat, himna zawnga zuang thla pawh a him chuang lo a ni. He thil thlen dan chhuitu tur, Court of Inquiry pawh din nghal a ni a, thi te hi Wing Commander, Squadron Leader leh sipai dangte an ni.