Arunachal Pradesh-a BJP motor-a tangkafai vbc 1.8 man a nih hnuah, hmar chhak bial Income Tax Department-in bank engemawzatah sum tam tham tak dahluh a nih thu an sawi.

Inthlan dawn hnaiha hetia sum dahluh a nih takah chuan vote lei nana sum pek a nih rinhlelh a ni a, Income Tax Department chuan sum lakchhuahna rinhlelhawm engemawzat a thlen thu an sawi bawk a ni. Ni 10 chhung bank 5 an chhuinaah pawisa rinhlelhkai cheng nuai 10 chuang khawih chet a ni tih an hmuchhuak a, bank te hi sum rinhlelawm tih chetnan hman a nih rin a ni, thubuai 200 chuang ziahluh a nih tawh thu Income Tax (Investigation) Principal Director Sanjay Bahadur-a chuan a sawi a, hemi chungchang chhui hian hmarchhak bial-a bank 100 chuang chik taka endik turin an inbuatsaih mek tih a sawi bawk a ni.