MSACS hnuaia HIV positive-te enkawlna lama thawktu ART Centre-a hnathawh dan thlirletna chu vawiin khan NLUP Conference Hall-ah neih a ni a. A hmanpuitu MSACS Project Director, Dr. Lalmalsawmi Sailo chuan, HIV positive hmuhchhuah tawhte zinga za zela 90 tal ART Centre-ah enkawlna pek ni thei se chuan natna darh zel tur nasa takin a ven theih dawn a ni a ti a, enkawlna mamawhten ART Centre an pan zel theih nan hnathawktute \awngkam leh chetziain awmze thui tak a nei tih hre turin a chah a ni.
MSACS Epidemiologist, Dr. Richard Lalramhluna Chawngthu chuan, kum 2006-a Mizorama ART Centre hawn anih a\angin HIV positive 12,101 an inziaklut tawh tih a sawi a, tunah hian enkawl lai mi 7,455 awmin mi 6,871-in ART damdawi an la mek tih a sawi.
He sawihonaah hian UW-ITECH-a Clinical Program Director, Dr. Anwar Parvez pawhin Sorkar laipui-in HIV hrikpai tawh phawtte ART damdawi pek nghal tura ‘Treat All’ program ruahman a nih dan a sawifiah a. India ram pumah HIV hrikpai zaa 88-in enkawlna an dawn laiin, Mizoramah chuan ART Centre thleng phak hi za zela 76 an ni tih a tarlang bawk.
Tun dinhmunah hian Mizoramah ART Centre 5, Civil Hospital Aizawl, Kulikawn, Lunglei, Kolasib leh Mamit-ah te an awm a ni.
