Armenia ramah lungawi lohna lantirtu mipui sang tam takin kawngpui an dang

Armenia ramah lungawi lohna lantirtu mipui sang tam takin motor kawngpui pawimawh leh sorkar office panna kawng pawimawh te an dang. Nikol Pashiyan kaihhruai-a lungawi lohna lantirna hian hapta khat zet a awh tawh avangin Prime Minister Serzh Sargsyan pawh a inhnuhdawh phah tawh a ni. sorkar lailawka prime minister atana MP ten an thlawp duh loh avangin Nikol Pashiyan hian mipuite chu sorkar laka lungawi lohna lantir tur hian a fuih a, an ram khawpui Yerevan leh Gymri ah te mi sang tam takin lungawi lohna lantirin khawsak phung pangngai an ti khaihlak nasa hle. Lirthei te pawh kawngpuiah sei tak tak an intlar a, khualzinte chuan an lirthei chhuahsanin an zin bag te khaiin ke in an kal a, Yerevan khawpuia leihnuai rel te service te pawh tihtawp lailawk vek a ni.