Dan anga nau tih tlak phalna tura dan putluh hi member ten rei tak an chai a, senator 38 ten a duh lo zawnga vote an thlak laiin a duh zawnga vote thlak chu 31 an ni a, a tlang zawh tak lohah hi chuan he dan hi pulut nawn leh tur pawhin nakum lam nghah a \ul tawh dawn a ni. Argentina ah hian pawngsual avanga nau pai ah leh a paitu nu nunna hlauhthawnawm vang te chauhin nau tih tlak hi phal a ni. Hapta 14 chin hnuai lam nau tih tlak phalna tura dan putluh sawi ho a nih lai hian a duh pawl leh duh lo pawl ten parliament velah lungawi lohna nasa takin an lan tir ve ve a, nau tih tlak phalna dan siam duhtute hian puan hring awrhin dan thar chu pass ngei an phut a, parliament in a hnawl takah hian mi \henkhat thinrim chuan vantlang bungrua te hal chhia in Police te pawh an bei a ni. Argentina ram hi Roman Catholic tamna a ni.
