Assembly Session-a Pu Zodintluanga zawhna Tourism Minister Pu Robert Romawia Royte in ziaka a chhannaah sum sen zat hi tarlan a ni a, Autited Statemet a\anga a lan danin, sum senso cheng nuai 30 hi Tourism Dept a\angin puk lailawk, temporary loan anga lak a ni a, hlawm hrang hranga sum sen tamna ber chu eitur leina senso, Food and refreshment a ni a, cheng nuai 5 sing 6 sang 7,666 senral a ni.
Sum hmanna lian zual zingah chawimawi turte inthuamna, suit and dresses ah cheng nuai 5 sing 1 sang 9470 hman a ni a, Sound leh Hall hmannaah cheng nuai 2 sing 9 sang 5 hman a ni a, mipui hnena puanzarna lam advertisement leh Publicity ah cheng nuai 2 sing 8 leh 681, veivahna senso TA leh DA ah cheng nuai 2 sing 7 leh 567, mikhualte thlenna senso, accomodation ah cheng nuai 1 sing 9 sang 7400, thil pek gift item leina atan cheng nuai 1 sing 8 sang 3269, Video thlalakna senso-ah cheng nuai 1 sing 4 sang 5700, lehkhabu chhutna leh a kaihhnawih printing and stationery ah cheng nuai 1 sing 1 sang 8800 te sen a ni.
Cheng nuai khat tling lo sensona tarlan zingah thuziak citation siamna man chu cheng sing 9 sang 6600 a ni a, Participation Allowance ah cheng sing 8 sang 5 hman a ni a, contingency ah cheng sing 8 sang 3412 hman a ni a, zaithiam rawihna artist payment ah cheng sing 4 sang 1150, lirthei hman man cheng sing 4 sang 7550 leh Sitting Allowance ah cheng sing 6 sang 4 te hman a ni.
