Sultan hian kum 1970 khan British puihna-in thisen chhuahna thleng awm lovin a pa rorelna a chhuhsak a, tuialhtheia a hausakna hmangin Oman ram hi nasa takin a ti hmasawn a ni. Mipui nawlpuiin an ngainat tak roreltu nimahse, lal khauh tak a ni tel a, amah dodaltute chu a hmetmit zel a ni.
A thih chhan hi puanzar a la ni lo a, a laina hnai Haitham bin Tariq Al Said chu a aiawh tura thutiam laktir nghal a ni.
Oman sorkar thupuangtu chuan lal chhungkaw rorelna-ah a aiawh tur hian culture and heritage minister ni lai chu ruat a ni tih a sawi.
Oman ah hian Sultan hi thuneitu sang ber leh thutlukna pawimawh zawng zawng siamtu a ni a, Prime Minister dinhmun leh sipai hotulu dinhmun te bakah defence, finance leh foreign affairs minister dinhmun te a luah vek a ni.
Sultan Qaboos hian lal\hutthleng luahtu tur fa a nei lo a, thla hlui khan Belgium-ah damdawia enkawl a ni a, cancer a nei nia sawi a awm bawk
