He live blog hi tihtawp a ni tawh a, April ni 30 live blog en duh tan;
https://www.zonet.in/april30-liveblog/
April ni 29, 2020 tlai dar 5:00 thlenga Ministry of Health & Family Welfare-in Covid-19 case a chhinchhiah dan chu hetiang hi a ni;
Case awm zat – 22982 (punna – 972)
Enkawl dam – 7796 (punna – 770)
Thi zât – 1008 (punna – 71)
(punna hi April ni 28 tlai dar 5:00 thlenga chhinchhiah zat nen khaikhin a ni.)
11:12 PM
Mumbai-a Mizo Covid-19 vanga enkawl zinga pakhat chu zanin khan damdawiin atanga chhuah tir a ni a, Andheri-a inkhunghranna hmunah enkawl chhunzawm a ni ang. Heti hian Mumbai Mizoram House-a Covid-19 kai 8 zinga 4 chu enkawl dam an ni ta a ni
11:08 PM
Delhi-ah case thar 125 a awm belh a, mi 2 an thi, Delhi khawpuiah hian a vaiin case 3439 a awm tawh a ni
10:51 PM
Tripura-ah vawiin khan Tamil Nadu lam mi Ambulance khalhtu pakhat leh a mi phurh 5-te chu test-ah an positive tih Tripura Minister Ratan Lal Nath-a’n a sawi
10:41 PM
Telangana: Case thar 7 a awm belh a, a vaiin 582 a awm tawh
10:38 PM
J&K sorkarin May ni 1 atangin hmaituam loa pawn chhuah a khap dawn
9:42 PM
Mumbai khawpuiah darkar 24 chhungin case thar 475 a awm belh a, mi 26 an thi
9:10 PM
Nepal-ah mi 3 an positive belh a, an vai hian Tablighi Jamaat punkhawmnaa kal an ni
9:10 PM
Italy-in inkharkhip thlah dul ṭan mahse, hrilêng nawn thei lakah an inpuahchah reng tho a, an ramin ventilator a neih zât a leta tih pun a tum
8:29 PM
PM Modi-a’n Covid-19 chungchang Bangladesh PM a sawipui
8:27 PM
Gujarat: Case thar 308 a awm belh a, a vaiin 4082 a awm tawh
8:21 PM
UGC thuchhuak: Semester kal lai leh kaltaa Internal Assessment hmangin zirlaite grade pek an ni ang a, Covid-19 vanga buai tam lo deuh state-ah te chuan July thla tawpah exam kaihhruai a ni ang a, zirlai harsatna tawkte pui turin University tinah Covid-19 Cell din a ni bawk ang
8:06 PM
UGC thuchhuak: Academic Session 2020-21 chu zirlai tharte tan September atanga ṭan a ni ang a, zirlai hluite tan chuan August-ah ṭan a ni thung ang
8:04 PM
Tamil Nadu-ah case thar 104 a awm belh a, a vaiin 2162 a awm tawh
7:38 PM
West Bengal sokrar-in vantlang lakah case thar leh thi zat a thup niin Congress hruaitu AR Chowdhury-a’n a sawi
7:08 PM
Germany Foreign Minister Heiko Maas chuan ram dang nena inzinpawh khuahkhirh mek chu June ni 14 thleng pawhsei a ni tih a sawi a, Coronavirus hrilêng hi a la hlauhawm nêp loh avangin thutlukna hi siam a ni tih a sawi bawk
6:47 PM
Punjab: Case thar 33 a awm belh a, a vaiin 375 a awm tawh
6:44 PM
Punjab-ah May ni 17 thleng lockdown pawhsei a ni a, inkaihhruaina thar tihchhuahah inkhuahkhirhna engemawzat chu thlahdul a ni
6:12 PM
Delhi-a awm Assam mi 10 test-ah an positive a, an zinga 7 chu CRPF mi an ni
5:57 PM
Darkar 24 chhungin case thar 1813 a awm belh a, mi 813 an thi: Health Ministry
5:54 PM
Rampumah ni 11.3 danah case a lêtin a pung: Health Minister
5:46 PM
Ministry of Home Affairs-in mahni state lova awm khualzin, zirlai leh hnathawk tangkhangte anmahni state-a haw a phal
5:03 PM
Kolkata damdawiin tam zawkah khum ruak a awm lo nia sawi chu thu dik tawk lo a ni tih state CM Mamata Banerjee-in a sawi
4:58 PM
Ahmedabad-a Sabarmati Central Jail-a tang pahnih test-ah an positive
4:56 PM
Parliament ṭhutkhawm dan tur tihchian a la ni lo a, Coronavirus hrilêng thunun theih dan azirin a hun ruat a ni ang: Venkaiah Naidu
4:50 PM
Spain: Covid-19 kai vanga thi 325 an awm belh
4:44 PM
Lockdown a tawp hnaia, inkaihhruaina thar chungchangah thutlukna rang taka siam turin West Bengal CM Mamata Banerjee-in sorkar laipui a nawr
4:42 PM
WHO-in India, Thailand leh Indonesia-a hri venna vaccine siam thin company-te a kawm
2:30 PM
Khawvel pumah Covid-19 vanga thi zat chu 2,17,168 (nuai 2 sing 1 chuang) an tling tawh a, a chhinchhiah kim loh leh ram thenkhatin thup chin an neih vangin thi tak zat chu hei ai hian a san tawh zawk rin a ni
2:30 PM
China-in Australia nena an inkar chu siamṭhat theih loh khawpa chhia a ni thei tiin a sawi a, hei hi Australia PM Scott Morrison-a’n China demin Covid-19 chhuah dan chhui chian a ṭul thu a sawi leh vang a ni
2:29 PM
Pune Balewadi-a Covid-19 kai enkawl lai pakhat a tlanchhuak a, km 17 vel kalin a inah a haw – ei leh in tha an dawn loh bakah inthiarna fai pawh a awm lo niin a sawi
2:20 PM
New Delhi: Kasturba Hospital-a zirlai pakhat test-ah a positive
1:26 PM
Indian Institute of Technology, Guwahati-in Covid-19 hri venna, vaccine zawn tumin a bei ve ṭan
1:15 PM
US: Massachusetts-a sipai bang zinga tar leh upa zawkte enkawlna hmun, Holyoke Soldiers’ Home-a awm mi 68 an thi
1:04 PM
Karnataka: Case thar 9 a awm belh
12:01 PM
UK doctor-ten an ramchhunga cancer vei enkawl lai 18,000 velin an mamawh ang enkawlna an dawn loh avangin an dinhmun a ngaihtuahawm hle tih an sawi
12:00 PM
Tamil Nadu: Chennai, Coimbatore leh Madurai khawpuiah te zing dar 6:: atanga tlai dar 5:00 thleng dawr hawn phal a ni
11:14 AM
Delhi Health Minister Sayendra Jain-a’n inkaihhruaina thar an siamah natna lang chhuak lo leh na lutuk ni lem lo te chu inah ni 14 khunghrana enkawlna pek mai an nih tawh tur thu leh damdawiina dah luh kher an nih tawh loh tur thu a sawi
10:32 AM
AIIMS-in Plasma Therapy a enchhin dawn
10:26 AM
Bollywood zaithiam, dan a zawm ṭhat tawk loh vanga chanchin ngah zui tak, Kanika Kapoor chu a thisen pe thei tur khawpin a ṭha tawk tawh a, a thisen hi Plasma Therapy enchhin zelna atan hman a ni ve tawh ang
10:18 AM
Darkar 24 chhungin case thar 1897 a awm belh a, mi 73 an thi – hei hi darkar 24 chhunga a pun tam ber ṭum a ni
09:36 AM
Rajasthan: Case thar 19 a awm belh
09:22 AM
Tamil Nadu: Chennai, Coimbatore leh Madurai-a inkharkhipna khauh zawk ni 4 chhung kalpui tura tih chu pawhsei a ni dawn ta lo a, sorkar laipuiin inkaihhruaina a siam sa zawmin May ni 3 thleng inkharkhip pangngai kenkawh chhunzawm a ni ang
08:49 AM
India: Covid-19 vanga thi zatin 1000 a pel. Tun dinhmunah rampumah case 31,331 a awm tawh a, heng zinga 22,629 chu enkawl lai an ni a, mi 7695 enkawl dam an ni tawh a, mi 1007 an thi tawh a ni
08:17 AM
Italy-in inkharkhip a thlahdul huna Pathian biak inkhawm chhunzawm dan tur inkaihhruaina a siam loh vanga puithiam hrang hrangin sawiselna an chhuah hnuah, Pope Francis chuan inkharkhip a thlawp thu a sawi a, zaidawh taka sorkar thu awih turin mipuite a ngen
08:01 AM
Coronavirus darh tur ven kawngah China a hlawhchham avangin ram 184-in nasa takin an tuar mek a, Germany-in China laka zangnadawmna pawisa, US Dollar tld. 140 a phut mek aia tam pawh US-in a la phut ve mai thei: President Donald Trump
07:54 AM
US-ah Coronavirus kai mi mtd. 1 chuang an awm tawh a, hei hi khawvel puma Coronavirus kai zawng zawng hmun thuma ṭhena hmun khat a tling tawh a ni. US-ah hian Coronavirus vangin mi 58,000 chuang an thi tawh a, Vietnam indonaa US mi thi aiin an tam tawh zawk a, chawhrualin nitin mi 2000 thi anga chhut theih a ni a, darkar 24 kalta khan mi 2,200 an thi a ni
