He live blog hi tihtawp a ni tawh a, April ni 21 live blog en duh tan;
https://www.zonet.in/livblog-apr21/
April ni 20, 2020 tlai dar 5:00 thlenga Ministry of Health & Family Welfare-in Covid-19 case a chhinchhiah dan chu hetiang hi a ni;
Enkawl lâi – 14255 (punna – 960)
Enkawl dam tawh – 2841 (punna – 540)
Thi zât – 559 (punna – 40)
Hmun danga pêm/insawn – 1
(punna hi April ni 1+ tlai dar 5:00 thlenga chhinchhiah zat nen khaikhin a ni.)
11:22 PM
Congress hnuaia zirlai pâwl, National Students’ Union of India, NSUI hruaitu hlui, Ramagardu Sarvan Rao chu Haryana aṭanga dan lova zu lakluh tum vangin Delhi-ah Excise-in an man
10:39 PM
WHO-in US lakah thu thup engmah an la neih ngai loh thu a sawi
10:38 PM
UK: Covid-19 vanga thi 449 an awm belh a, a vaiin mi 16509 an thi tawh
10:19 PM
Telangana: State pumah, a bikin Hyderabad khawpuiah khauh lehzualin lockdown kalpui tur a ni
9:39 PM
West Bengal: Case thar 54 a awm belh
9:31 PM
Bihar: Case thar 16 a awm belh
8:29 PM
Delhi: Rapid Testing hman ṭan a ni
8:28 PM
Uttar Pradesh: Case thar 84 a awm belh a, a vaiin 1184 a awm tawh
8:20 PM
Maharashtra: Vawiinah case thar 466 a awm belh a, a vaiin 4666 an awm mek a ni. Mumbai khawpui bikah case 3032 a awm tawh
8:08 PM
Neurosurgeon doctor pakhat Covid-19 vanga thi phum remti lo an awm avangin Madras High Court-in tualchhung mi thenkhat lakah PIL a thehlut. Madras HC chuan vantlangin ruang phum an remti lo ngawt thei lo tih sawiin, ruang phum theihna hi mihring dikna leh chanvo a nih thu a sawi
8:05 PM
Delhi: Dinhmun ṭha loa ngaih thisen peka enkawlna chi khat, plasma therapy treatment hmanga enkawl a nih hnuah a dinhmun a ziaawm a, ventilator hman chhunzawm ngai loin a awm, damlo hi kum 49 mi, Max Hospital-a enkawl lai a ni a, tun thla ni 4 khan damdawiinah dah luh a ni a, ni 8 khan pneumonia a vei ṭan a, ventilator pawh hman ṭan a ni a (Max Hospital)
8:04 PM
Odisha: Positive 6 an awm belh a, a vaiin 74 an awm tawh
7:56 PM
Karnataka: Bengaluru khawpuia lockdown kengkawh tura ruat police-te chungchangah state DGP a lungawilo hle
7:54 PM
Bangladesh: Covid-19 vanga thi 101 an awm tawh
7:14 PM
Delhi: Ayushman Bharat hnathawk pakhat test-ah a positive, pisa pawh khar nghal a ni
6:57 PM
Chennai: Darkar 24 chhungin case thar 18 a awm belh
6:20 PM
Madhya Pradesh: Case thar 78 a awm belh a, a vaiin 1485 a awm tawh
6:18 PM
Uttarakhand: Case thar 2 a awm belh a, a vaiin 46 a awm tawh
6:16 PM
Tamil Nadu: Vawiinah case thar 43 a awm belh a, enkawl dam 46 damdawiin chhuahsan an awm thung
6:15 PM
Kerala: Kannur-ah case thar 6 a awm belh
5:55 PM
Sorkar laipui rawtna angin Rajya Sabha-a sum hman ṭhin tun financial year chhung chu za zela tih hniam tum a ni
5:39 PM
US-in Wuhan-a mi thiam tirh a tum China-in a remti lo
4:59 PM
NGO hrang hrang leh, Social Worker-te leh, Sakhaw pawl hrang hrang midangte tanpui thinte’n Covid-19 do kawngah an thawh hlawk hle tih President Ram Nath Kovind-a’n a sawi a, a chhuan thu a sawi bawk
4:50 PM
Tamil Nadu: Pawl 10 exam hun tura ruat tawh chu ṭhulh leh a ni a, lockdown a tawp hunah hun thar ruat leh a ni ang. Pawl 9 leh a hnuailam zawng chu pawl kai tir an ni ang
4:18 PM
Ram pumah ni 14 chhungin district 59-ah Covid-19 kai thar an awm belh lo
4:17 PM
Ram pumah chawhrualin ni 7.5 danah Covid-19 kai a letin a pung: Health ministry
4:11 PM
Darkar 24 chhungin ram pumah case thar 1,553 a awm belh a, mi 36 thi an awm: Health ministry
3:34 PM
Tablighi Jamaat hotupa, Maulana Saad chuan mahni in aṭanga Ramzan hmang mai turin muslim-te a ngen
3:28 PM
Tamil Nadu: Lockdown thlah dul a ni dawn lo
3:11 PM
Uttar Pradesh CM Yogi Adityanath-a pa chu tukin khan a thi a, kum 89 mi a ni. Adityanath chuan Covid-19 darh theihna pumpelhna atan, a pa vuina ah hian a tel dawn lo tih a sawi
2:43 PM
Assam sorkar-in state danga an ram mi tangkhangte hennah cheng 2000 theuh a pe a, mi 86000 hnenah pek a ni
2:27 PM
Covid-19 hrilêng thunun theih hma chuan thlawhna che vel khuahkhirh a ni dawn tih sorkar laipuiin a sawi
2:26 PM
Andhra Pradesh-ah case thar 75 a awm belh
2:04 PM
South Korea aṭangin Rapid Test Kit 5,00,000 chah a ni
1:10 PM
Pune: Coronavirus kai hmeichhe pakhatin fa a hring a, a fa hrin hi test-ah a negative a, ward hrangah dah an ni
12:56 PM
Singapore: Case thar 1426 a awm belh a, vawi khata a san ber ṭum a ni
12:52 PM
Kerala Chief Secretary-in lockdown inkaihhruaina tih danglam dan ennawn a ni ang tih a sawi
12:19 PM
US: Covid-19 enkawlna atan Malaria damdawi, Hydroxychloroquine enchhin phal a ni
12:14 PM
UK: Covid-19 kai enkawl dam tawhte thisen lak a ni dawn a, hei hi damlo dangte enkawlna atan enchhin a ni ang
12:07 PM
Delhi: Case thar 110 a awm belh a, a vaiin 2003 a awm tawh
12:05 PM
Gujarat: Case thar 108 a awm belh
12:00 PM
Indore, Mumbai leh Kolkata dinhmun a la ṭha tawk lo hle: Home Affairs
11:33 AM
Uttar Pradesh: Moradabad-ah doctor pakhat Covid-19 vangin a thi
10:43 AM
Manipur CM N Biren Singh-a’n an state-a Covid-19 kai pahnih enkawl dam an nih tawh avangin, an state chu Coronavirus awm lohna hmunah puan a ni a ti
10:15 AM
Ministry of Home Affairs-in lockdown inkaihhruaina bawhchhe zawnga thupek siam lo turin state sorkarte a hriattir
09:57 AM
Kerala-in lockdown thlahdul kawngah sorkar laipui inkaihhruaina an bawhchhe lo niin a sawi
09:55 AM
Covid-19 darh ṭan dan chhui turin US-in China-ah mithiam tirh a duh thu a sawi
09:04 AM
Covid-19 darh lohna hmuna ngaih thenkhatah sorkar laipuiin lockdown a thlah dul dawn
08:44 AM
Kerala sorkarin an state chhung hmun thenkhata lockdown a thlah dul danah sorkar laipui inkaihhruaina tidanglam lo turin sorkar laipuiin a hrilh
08:40 AM
West Bengal: Medical staff-te chawlhkar khat zel hna an inkalchhawk dawn a, an hna thawh hun chawlhkarah chuan an inah haw lo tura hriattir an ni
08:34 AM
West Bengal-in ICMR atanga an dawn test kit a tha tawk lo niin a sawi a, test tam tak a rintlak tak loh avangin test nawn ngai a tam hle tih a sawi
08:28 AM
US: Covid-19 vanga thi zat chu 40,585 a tling tawh a, a chanve tling lo deuh chu New York-a thi an ni
