He live blog hi tihtâwp a ni tawh a, April ni 9 live blog en duh tan:
https://www.zonet.in/april09-liveblog/
12:07 AM
Punjab: Jawaharpur khua leh a chhehvel km 5 bial tlawhpawh theih loha khar a ni
11:58 PM
Punjab sorkarin lockdown chhunga hnathawk chawr zawng zawng, nitin inhlawhfa thlengin a kima hlawh pek an ni ang a ti
11:57 PM
J&K: Udhampur-ah kum 61 mi a thi a, hei hi J&K-a Covid-19 vanga thi 4-na a ni
11:55 PM
Ram Pawn Lam
- Europe ram hrang hrang insuihkhawm, European Union chuan sum leh pai an hman chhoh zel dan turah inremna an la nei thei lo. Hemi chungchang hi nilaini zan zankhua khan EU-a Finance Minister 27-te chuan an sawiho tawh a, darkar 16 chuang an sawiho hnuah pawh thutlukna siam theih a ni ta lo a, mi thiamte chuan tunhnai lawka Greek sum dinhmun tlachhe chiam ang kha European Union hian a hmachhawn mek niin an sawi a, Spain chuan hrilêng laka EU ram an ṭangrual thei lo a nih chuan EU hmabak a thim hle niin a sawi a ni.
- Bangladesh sorkarin Rohingya raltlante awm tamna Cox Bazar District luh leh chhuahsan a khap. Bangladesh hian coronavirus case 218 a nei tawh a, mi 20 an thi tawh a ni.
- Italy-in lawng chawlhna zawng zawng a khar a, raltlan phur lawng thlengin chawlh a phal rih lo.
- British Prime Minister Boris Johnson-a dinhmun a ṭha chho hret hret nia ngaih a ni a, enkawlna pawh a ngeih dawn nia hriat a ni was “clinically stable” in intensive care on Wednesday and responding to treatment.
- Switzerland sorkar-in an ram sum dinhmun za zelah 10.4-in a tlahniam thei tih a sawi a, mahse kar khat chu inkharhip chhunzawm a la nih tur thu leh tun thla aṭangin muangchangin inkharkhip hi thlah dul a ni dawn tih a sawi bawk.
- Pope Francis-a’n sumdawng ṭhenkhat, thawklehkhata hlawk thut tumte leh hrilêng mek remchanga hman tum tlat politician an awm chu pawi a tih thu leh a dem thu takin a sawi.
- Brazil-in ventilator a mamawh belh zel a, harsatna lian tak an tawh phah ṭan thu leh China an dawr mek thu an ram Health Minister, Henrique Mandetta chuan a sawi. Mandetta hian March ni 21 khan April thla chhungin Brazil Health System hi tluchhe ṭan thei dinhmunah a ding dawn tiin a lo sawi tawh a ni.
- Vawiin khan Japan-ah case thar 503 hmuh belh a ni a, hei hi ni khata an la pun tam ber ṭum a ni. Puan tawh angin Japan-ah hian State Emergency puan a ni tawh a, mipuite inkharhip tura ngen an ni na in, inkhuahkhirh a ni lem lo a, hei vang hian puipunna hmun leh khawpui chhung tlân rêl vel chu a la lûn hle a ni.
- Thailand sorkarin hrilêng darh zel tur venna atan an rama dan ang thlapa lut zawng zawng VISA a pawt sei.
- Ethiopia-in State Emergency a puang.
- Thawhlehni zan khan US-ah mi 1850 an thi a, hei hi Covid-19 vanga ram pakhata ni khata thi zat tam ber ṭum a ni a, vawiin thleng khan thi zat hi an la pung zel a, confirmed case hi US-ah hian nuai 4 chuang an awm tawh a ni.
- Ram rethei zawkte puihna atan an ba rulh hun ngaihhnatthiam turin pawl hrang hrangin International Monetary Fund leh World Bank an ngen.
11:50 PM
Sorkar laipuiin US-a HCQ (Hydroxychloroquine) thawn a remtih vangin US President Donald Trump-a’n PM Modi leh India khua leh tuite lawmthu a hrilh
11:34 PM
Delhi: Agrasen Hospital tlawh pawh theih loha khar lailawk a ni a, March ni 13 leh April ni 7 inkara he damdawiin tlawhtu zawng zawng pawh ni 14 chhung inkhunghrang tura tih an ni
11:13 PM
Bihar-ah Covid-19 case 39 a awm tawh
11:11 PM
Noida: Tlawh pawh theih loha kharkhip veng hrang hrangah media mite luh leh chhuah phal a ni
11:06 PM
Punjab: Tablighi Jamaat chhimtu mi 38 chhui chhuah zawh loh an la awm
11:03 PM
April ni 8 thlengin sample 1,27,919 test a ni tawh: ICMR
10:48 PM
Delhi: AIIMS damdawiina Cardio-Neuro Centre-a thawk mi 30 inkhunghrang tura tih an ni a, an damlo zinga pakhat a positive tih hmuhchhuah vang a ni
10:45 PM
Europe khawmualpuia Coronavirus vanga thi zatin 60,000 a pel
10:44 PM
New York khawpuiah darkar 24 chhungin mi 779 an thih belh
10:26 PM
Delhi-ah case thar 93 a awm a, case awm tawh zawng zawng chu 669 a ni a, thi 9 an awm tawh a ni
10:12 PM
Rajasthan-ah case thar 40 chhinchhiah a ni a, a vaiin 383 a awm tawh
10:11 PM
Delhi: Bengali Market khar a ni dawn a, damdawiin phuh fai a ni bawk ang
10:09 PM
Pune-ah Covid-19 vanga thi 2 an awm belh a, a vaiin 18 an awm tawh a ni
9:54 PM
Delhi sorkarin khawpui chhung hmun hrang hrang tlawh pawh theih lohin a khar rih dawn
9:46 PM
Noida: Veng ṭhenkhat tlawh pawh theih loha khar a nih dawn vangin mamawh lei khâwl a ngai lo, in tinah sem a ni dawn: Gautam Buddh Nagar DM
9:40 PM
Ministry of Consumer Affairs, Food & Public Distribution-in NGO leh pâwl danng, chhuanchham hnena ei tur pe ṭhinte hnenah buhfai lei phalsak turin FCI a ti a, heng pawl hrang hrangte hian sem tur an chatlak tur a ni lo a ti bawk
9:38 PM
Uttarakhand-ah case thar 2 chhinchhiah a ni a, state pumah 35 a awm tawh
9:36 PM
Bihar: Pawl 1 leh Pawl 9 leh Pawl 11 zirlai zawng zawng pâwl kâi tir an ni ang
9:32 PM
Asia khawmualpui chhim lama ram awm insuihkhawm pawl SAARC ramte’n inzin pawh tawn khuahkhir chungchang leh hei hian ram insumdawn tawnna a nghawng dante an sawiho
9:15 PM
Madhya Pradesh: Bhopal, Ujjain leh Indore khawpuite luh leh chhuah khap rih a ni
9:09 PM
Singapore-ah Covid-19 vangin India khua leh tui pa pakhat, kum 32 mi a thi
8:58 PM
Coronavirus hluar zualna (hotspot) hmunah lockdown kalpui zel Karnataka task force-in a rawt
8:50 PM
Jaipur: Case thar 6 chhinchhiah a ni
8:31 PM
Delhi: Coronavirus hluar zualna (hotspot) veng pumin kharkhip a ni dawn
8:26 PM
Delhi khawpui chhungah veivak reng rengin hmai an tuam tur a ni: CM Arvind Kejriwal
8:24 PM
Andhra Pradesh-ah positive 19 an awm belh a, a vaiin 348 an awm tawh
19 more test positive for Covid-19 in Andhra, tally at 348
8:22 PM
Gujarat-ah case thar 7 chhinchhiah a ni a, a vaiin 186 a awm tawh
8:10 PM
Union Agriculture Minister, Narendra Tomar-an vawiin khan lo neih leh a kaihhnawih chungchanga harsatna awm te state hrang hrang Agriculture Minister-te a sawi pui
7:46 PM
Maharashtra-ah Covid-19 vanga thi 72 an awm belh, State pumah case 1135 a awm tawh
7:36 PM
J&K-ah case thar 33 chhinchhiah a ni a, hei hi ni khata a la pun tam ber ṭum a ni
7:29 PM
Telanga-ah case thar 49 chhinchhiah a ni a, state pumah 453 a awm tawh
7:23 PM
Covid-19 ‘may well’ cause deepest economic recession ‘of our lifetimes’: WTO chief
7:19 PM
Maharashtra-ah vantlang zinga hri lêng hriat a la ni lo: State Health Minister
7:02 PM
Sorkar Laboratory leh Private Laboratory-a Covid-19 test reng reng a thlawna tih tur a ni: Supreme Court
6:53 PM
Uttar Pradesh-ah mi 1268 khunghran mek an ni a, heng zinga 323 chu ram pawn lam mi, Tablighi Jamaat punkhawm chhim tura lo zin an ni: UP DGP
6:50 PM
Ram pumah Covid-19 case 5274 a awm tawh: Health Ministry
6:46 PM
Income Tax Refund (chhiah pek lêt) nuai 5 tâng mek a rang thei ang bera pek tura ruahman a ni: Revenue Department, Finance Ministry
6:08 PM
IndiGo-in April ni 30 thleng ram pawn lam pan tur thlawhna a chawlhtir chhunzawm dawn
6:06 PM
Tamil Nadu-ah positive 48 hmuh belh a ni a, state pumah 738 an awm tawh
5:54 PM
Defence lama hnathawkte chenna (quarter) luahtu chhungkaw pakhata mi 3 test-ah an positive a, quarter vengtu guard-in Jamaat punkhawm a chhim nia hriat a ni a, thubuai ziah luh a ni
5:49 PM
Karnataka-ah darkar 24 chhungin case thar 6 chhinchhiah a ni a, a vaiin case 181 a awm tawh
5:48 PM
Uttar Pradesh-ah Covid-19 case 343 a awm tawh
5:43 PM
Nizamuddin punkhawm chhimtu zing ami, Air Force sipai pakhat khunghran mek a ni
5:36 PM
Lockdown pawhsei leh sei loh chungchangah CM-te PM-in a kawm hnuah thutlukna siam a ni ang tih Congress hruaitu Gulam Nabi Azad chuan a sawi. Puan tawh angin April ni 11, inrinni hian PM chuan CM zawng zawng kawm a tum a ni
5:09 PM
Modi-a tan minute nga din tur tia thu darh mek chu mi ṭhenkhat awmhlei thiltih mai mai nia a hriat thu PM Modi-a’n a sawi a, hrilêng vanga harsatna a awm chhung chu mi zawng zawngin chhungkaw rethei zawk pakhat tal enkawl turin inhawng se a duh zawk thu a sawi
5:02 PM
West Bengal-a Tablighi Jamaat mi leh sa te dinhmun puanzar duh loh chungchangah state CM Mamata Banerjee chuan politics thila kaih luh rem lo thil nia a hriat thu leh natna-in sakhua a thliar loh thu a sawi
4:57 PM
Punjab: Felfai taka state-in lockdown a chhuahsan theih dan tur ngaihtuahtu, Task Force siam a ni dawn: State CM Amarinder Singh
4:38 PM
Party rilru dah ṭhaa an inkawm theih avangin PM pawh a lawm hle: Congress hotu, Ghulam Nabi Azad
4:33 PM
Sorkar laipuiin damdawiin sak chhunzawm zel tur leh Covid-19 kaite’n an tawh midangte chhui chhunzawm zel turin a ti
4:28 PM
Nuai 1.21 test tih a ni tawh: ICMR
4:26 PM
Vawiin leh tunhnai mai ni lo, nakin thleng pawhin HCQ (Hydroxychloroquine) kan tlachham lo ang: Lav Aggarwal (Jt. Secy., Health Ministry)
4:20 PM
Darkar 24 chhungin mi 32 an thih belh tawh a, case thar 773 cases chhinchhiah a ni bawk: Health Ministry
4:16 PM
Congress-in CM leh Union Minister-te awmna Task Force din a rawt: Ghulam Nabi Azad
4:15 PM
India-ah case 5194 a awm tawh a, thi 149 an awm tawh: Health Ministry
4:11 PM
Sorkar laipuiin nunna chhan a ngai pawimawh hmasa ber: PM Modi
4:10 PM
Political party hrang hrang za zela 80-in lockdown pawhsei an thlawp
4:07 PM
Karnataka MLA-te hlawh za zelah 30-in tihhniam a ni
4:05 PM
PM Modi-a’n April ni 11 hian state hrang hrang CM-te a kawm dawn
4:01 PM
State sorkar, District Administration leh mithiamten lockdown pawhsei an rawt tih PM-in a sawi
3:55 PM
Mumbai khawpuiah hmaituamna telloin pawn chhuah khap a ni
3:49 PM
Sorkar laipuiin lockdown a pawtsei mai thei: Congress hotu Adhir Ranjan Chowdhury
3:38 PM
Spain-ah Coronavirus case thar 757 chhinchhiah a ni
3:20 PM
Lockdown pawhsei leh sei loh chungchangah PM-in MP-te a kawm a, state hrang hrang CM-te tun inrinni lo awm tur (11 April) hian a kawm leh ang
2:15 PM
Uttar Pradesh-a district 15-ah Coronavirus darh tamna hmun tlawh pawh theih lohvin thawhṭanni thleng khar a ni dawn
1:30 PM
Bhopal: JP Hospital Coronavirus kai enkawltu zing ami, Dr Sachin Nayak chu a chhungte him zawkna atan, a car-ah a chêng rih
1:09 PM
Lockdown pawhsei leh sei loh chungchangah thutlukna siam a la ni lo
1:02 PM
Zan hnih ICU-a a awm hnuah UK PM Boris Johnson chu a dinhmun a ṭha chho zel
12:44 PM
Supreme Court-in a thlawna Covid-19 test theih tura ruahmanna siam turin sorkar laipui a ti
12:18 PM
PM Modi-an online-in party zawng zawng hruaitute a kawm
12:12 PM
Markaz hotupa ber, Maulana Saad chu Delhi Zakir Nagar bawr velah a inkhunghrang mek nia hriat a ni
12:10 PM
Ram Pawn Lam
- Spain-ah nitin thi zat sang chho leh hret a, ni khat thil thuah mi 743 an thih belh a, case awm tawh zawng zawng 1,40,510 a ni a, thi tawh zat chu 13798 a ni
- Germany-a Covid-19 kai tawh zat chu 1,03,228 a ni a, darkar 24 chhunga a punna chu 4003 a ni a, mi 254 an thih belh a, thi zawng zawng zat hi 1,861 a ni
- British Prime Minister Boris Johnson ICU-ah a la awm chhunzawm rih dawn
- France-ah thlenga Coronavirus kai zatin 10,000 a pel a, sing khat pel ram palina a ni
- Norway-in inkhuahkhirhna a thlah dul hret dawn: PM
- Vietnam-in khan Europe ram hrang hrang 5 hnenah hmaituamna 5,50,000 a pe
- Czech Republic-in April ni 30 thleng lockdown a pawtsei
- U.S. President Donald Trump-a’n Coronavirus vanga an harsatna tawn san ber lai an thlen thuai a rin thu a sawi
- New York khawpuiah Covid-19 kai mi 3,74,329 am aw, tawh a, mi 12,064 an thi tawh
- U.S. President Donald Trump-a’n khan World Health Organization na takin a dem a, sum chhungluttu lian ber US aiin China an ngaihven zawk niin a sawi
- US-in Haiti mi 61 an ramah a thawn kir
- Tesla Inc-in an hnathawkte hlawh a tihniam dawn a, eng emaw zat a chawlh tir dawn bawk
- Uruguay-in Australia leh New Zealand khua leh tui 112 an rama haw a remti a, heng mite hi La Plata River-ah lawng lian-ah an tangkhang mek a, he lawngah hian mi 219 an chuang a, a tam zawkin Covid-19 an kai a ni
- Ecuador-ah thlân a tawt sawt hle a, an ram sorkarin emergency-in thlan a siam belh dawn, Ecuador-ah hian confirmed case 3995 a awm tawh a, thi 220 an awm tawh bawk a ni
- Mexico-ah case thar 346 chhinchhiah belh a ni a, case awm tawh zawng zawng hi 2785 a ni a, thi 141 an awm tawh a ni
- Panama-ah case thar 149 a awm a, case awm tawh zawng zawng 149 a ni a, mi 59 an thi tawh a ni
- Hong Kong-ah April ni 23 thleng partial lockdown pawhsei
- Thailand-ah case thar 111 a awm a, mi 3 an thih belh bawk
- Philippines-ah April thla pum awh turin lockdown pawhsei a ni
- Middle East ram hrang hrangah nitin case a pung chho zel a, hri darh zel tur erawh ven theihah ngaih a la ni: WHO
- Egypt-ah sakhaw thila punkhawm reng reng khap a ni a, hei hian Mosolman sakhaw dana hun thianghlim, Ramadan pawh a huam a ni
- South Africa-a medical hna thawkten invenna mumal an ngah tawk loh avangin court-ah sorkar lakah an zualko
11:31 AM
Puducherry CM-in lockdown pawhsei an in peih tih a sawi
11:28 AM
PM Modi-an eptu lam hotute video conference-in a kawm
11:08 AM
Delhi-ah positive case 576 a awm tawh a, mi 35 ICU-ah enkawl mek an ni: Delhi Health Minister
10:58 AM
West Bengal CM Mamata Banerjee-in an state aṭanga Tablighi Jammat member Covid-19 positive zat a sawi duh loh avangin BJP-in vote zawnna atana hun remchang zawngah a puh
10:15 AM
Mumbai Dharavi-ah positive case thar 2 chhinchhiah a ni a, state pumah 1000 chuangin an kai tawh a ni
10:08 AM
Sorkar laipuiin social media-a thu dik lo post awmte paih tur leh hetiang post chingte chhinchhiah turin Social Media Company-te a ngen
10:07 AM
Ram puma Covid-19 case chhinchhiah tawh zat chu 5194 a ni
09:43 AM
Twitter CEO, Jack Dorsey-a’n Covid-19 dona kal zel atan US Dollar tld 1 a dah hrang tih a sawi
09:39 AM
Maharashtra: Pune-ah Sassoon General Hospital-a enkawl lai pakhat a thi leh a, state puma Covid-19 thihpui tawh zat chu 10 a ni
09:28 AM
Jammu and Kashmir-ah coronavirus case thar 10 chhinchhiah a ni
09:24 AM
Maharashtra: Pune-ah kum 44 mi pakhat a thi a, state puma Covid-19 thihpui zat chu 9 a ni
09:05 AM
Maharashtra: Nagpur-ah Tablighi Jamaat member 8, ram pawn lam mi thubuai siam sak an ni
09:00 AM
Mosolman-te hun chhiarnaa thla 8-na, April ni 8 leh ni 9 inkara lawm ṭhin laia hman tur bik khuahkhirhna khauh tak Kolkata Municipal Corporate-in a siam a, thlân tlawh emaw punkhawm khap a ni. He hun atan hian state dang pawhin khuahkhirna hrang hrang an lo siam tawh a ni
08:53 AM
Delhi: Traffic police pakhat Covid-19 test a positive a, AIIMS damdawiinah enkawl mek a ni
08:38 AM
China: Wuhan zin khapna hluh a ni a, zinmi haw tum an tam hle, Wuhan hi ni 76 lockdown a ni
08:31 AM
Haryana: Faridabad-ah veng 13 tlawhpawh theih loha khar rih a ni
08:27 AM
Chandigarh: Pawna chhuak reng rengin an hmui tuam ngei ngei tur tih thupek chhuah a ni
08:18 AM
State hrang hrangin lockdown pawhsei sorkar laipui-ah an rawt a, thutlukna erawh siam a la ni lo
