He live blog hi tihtawp a ni tawh e.
April ni 2, 2020 tlai lam dar 6:00 thlenga Health Ministry chhinchhiah dan chu hetiang hi a ni;
Enkawl lai – 1860
Enawl dam tawh – 155
Thi zât – 53
Hmun/Ram danga sawn – 1
11:39 PM
Singapore: Coronavirus punlunna hmunah Mustafa Centre puan a ni, Case 49 a awm tawh a, India khua leh tui 7 an tel
11:23 PM
Mumbai Dharavi-ah positive case pakhat hmuh belh a ni, amah hi doctor a ni a, sorkar damdawiinah hruai a ni tawh a, a sample test nawn leh a ni ang
11:07 PM
Agra: Damdawiin pakhat neitu leh a fapa an positive avangin luh leh chhuah theih lohvin khar nghal a ni
11:02 PM
Maharashtra: Thane School pakhat leh mosolman biakin pakhat enkawltu leh neitute lockdown laia ram pawn lam mi hum leh thukru-ah puh an ni a, Police-ten thubuai an siam sak a ni
10:58 PM
Mumbai Dharavi slum area ami Covid-19 thihpuitu chu chhui chhunzawm zel a ni a, a chenna ina chhâwng dangah Tablighi Jamaat chhimtu mi 10 mikhual an awm tih hriat chhuah a nih avangin Municipal Corporation of Greater Mumbai leh police ṭangkawpin chak lehzualin chhui zui zel an tum
10:56 PM
Uttarakhand: Covid-19 positive 3 an awm belh: State health dept
10:51 PM
Ramchhung leh rampawn thlawhna thlawh ṭan tir leh dan tur chungchangah thutlukna siam a la ni lo: Unionn Aviation MinPMer Hardeep Singh Puri
10:39 PM
ICMR-in vawiin khan sample 7,900 a test
10:36 PM
Uttar Pradesh: Ghaziabad Masoori-ah case thar 6 chhinchhiah belh a ni
10:35 PM
Uttar Pradesh: Meerut-ah case thar 5 chhinchhiah belh, 4 chu Nizamuddin Tablighi Jamaat tlawhtu an ni
10:31 PM
Uttar Pradesh: Ghaziabad CMO-in Tablighi Jamaat mi leh sa kawhmawh bâwl ching an awm nia a sawi chu District Bawrhsap thupekin chhui chian a ni dawn
10:28 PM
Maharashtra aṭangin Nizamuddin punkhawm chhimtu mi 1062 an awm a, heng zinga 890 chu an awmna chin hriat a ni tawh a, Covid-19 positive 4 an awm tawh, State pumah positive case 423 a awm tawh a, thi 20 an awm tawh bawk: State Health Department
10:23 PM
British Airways-in hnathawk 28,000 a bân lailawk
10:14 PM
Maharashtra-ah Covid-19 kai mi pakhat a thi a, state puma thi tawh zat chu 21 a ni
9:54 PM
Karnataka: Darkar 24 chhungin case thar 14 chhinchhiah a ni a, state chhinchhiah zat chu 124 a tling tawh
9:40 PM
Mizoram Covid-19 patient awm chhun dinhmun a ṭha a, a khawsik a awm rih lo
9:40 PM
West Bengal: An state aṭanga Jamaat punkhawm chhimtu zat an la hre thei lo tih state sorkarin a sawi
9:38 PM
Rajasthan: Thil siam chhuahna hmunte, loneitute leh vantlang mipuite chawi tur kawlphetha leh tui bill thla hnihin tih khawtlai a ni ang
9:25 PM
Ramchhung hmun hrang hrangah damdawi mamawh a chatlak lohna turin damdawi siamtu leh zuartute an buai hle tih sorkar laipuiin a sawi
9:22 PM
Haryana sorkar-in June ni 30 thleng ṭhelret ṭhial chi reng reng zawrh a khap
9:20 PM
Telangana-ah Covid-19 kai mi 154 an awm tawh
9:18 PM
Ram pawn lam mi an rama thawn haw leh Indiaa an châm theih dan tur chungchangah ruahmanna thar a siam a, an haw emaw, châm emaw, an Embassy-te’n ruahmanna an siam sak tur a ni a ti
9:09 PM
Madhra Pradesh: Case awm tawh zawng zawng 107 a ni a, thi 8 an awm tawh: State Health Department
9:02 PM
Uttar Pradesh: Ghaziabad CMO-in Jamaat mi leh sa kawhmawh bâwl zawnga khawsa an ngah thu leh a ṭhen chu damdawiin chhunga saruaka veivak te pawh an awm niin Police hnenah a thlen
8:59 PM
Zantir lama lo puan tawh AIIMS doctor Covid-19 positive chu a nupui thla kaw raipuar tawh pawh a positive tih hmuhchhuah a ni
8:55 PM
Indian Space Research Organisation-in PM-CARES Fund-ah cheng vbc 5 a pe
8:53 PM
Ram pumah Tablighi Jamaat mi leh sa zawn mek zel an ni a, a ṭhen chu khunghran an ni tawh a, Uttar Pradesh, Madhya Pradesh, Rajasthan, Jharkhand, West Bengal, Odisha leh Andhra Pradesh-ah te hmuh an ni tawh a, Delhi khawpui chhunga mosolman biakin hrang hrang 17-ah ram pawn lam mi 168 hmuh an ni tawh bawk
8:48 PM
Madhya Pradesh: Indore-a Tatpatti Bakhal vêngah health worker-te lunga vawm rawn an nih avangin Police-ten mi 10 lakah thubuai an ziak lut a, mi 7 an man tawh, health worker-te hi helai vênga chengte screening ti tura kal an ni
8:44 PM
World Health Organization-in mi rethei zawkte leh nitin inhlawhfa te chhawmdawlna atana US Dollar tld 24 a dah hrang thei chu chhuanawm leh entawn tlak an tih thu a sawi
8:39 PM
Delhi: Darkar 25 chhungin coronavirus case thar 141 a awm a, heng zinga 129 chu Tablighi Jamaat nena inkaihhnawihna nei a ni
8:25 PM
Chandigarh: Positive Case thar pahnih chhinchhiah a ni a, pakhat zawk chu thla 10-a upa nausen a ni
8:21 PM
Assam CM Sarbananda Sonowal hovin Guwahati tih thianghlim (sanitise) ṭan a ni
8:19 PM
DRDO-in PPE atana hman theih, taksa pum tuam thuam, Bio-Suit a siam, an bio-suit siam hi Health Ministry tehkhâwng a pêl a ni
8:13 PM
Gujarat: Darkar 24 chhungin report 1 a awm
8:12 PM
Tamil Nadu: Positive case 309 a awm tawh a, heng zinga 264 chu Jamaat punkhawmna nen inkaihhnawihna nei a ni
8:09 PM
Delhi: Hmaituamna leh Sanitiser chhêk ru mi pahnih man an ni a, man to zawka hralh leh an tum nia hriat a ni
8:02 PM
Tamil Nadu: District 26-ah in tin tlawh chhuah a ni dawn, in nuai 2.84 vel a awm a, mihring nuai 13.7 vel an awm
7:36 PM
Thlawhna company-te’n lockdown hnulam ticket an hralh phal a ni: Aviation secretary
7:34 PM
Delhi sorkar-in Tablighi Jamaat chhimtu ṭhenkhat enkawl lai leh khunghran mekte’n buaina siam an chin avangin heng hmunah te hian Police dah belh turin Delhi Police Commissioner a ngen
7:25 PM
Jharkhand-ah postive case pahnihna chhinchhiah a ni a, damlo hi tunhnai khan Kolkata-ah a zin tih hriat a ni a, khunghran mek a ni
7:21 PM
Bihar-ah case thar 3 chhinchhiah a ni
7:14 PM
Home Ministry-in ram pawn lam mi Tablighi Jamaat chhim tura lo zin mi 960 chu dân tlawhchhana umzui turin Delhi Police leh state dang DGP-te a hriattir a, heng mi 960-te hi India ram an luh phalsak an nih tawh lohna turin a “blacklist” nghal
7:03 PM
Sonia Gandhi-i’n lockdown chungchanga sorkar laipui ruahmanna chu huap kim lo leh midang zahpahna nei lo tia a sawi chu BJP hotupa JP Nadda-a’n na takin a khak a, politics khelh hun a ni lo tiin a chhang
7:02 PM
Lockdown bawhchhiat vangin Delhi-ah FIR 170 chuang ziahluh a ni tawh a, mi 3663 hren mek an ni
7:00 PM
BSF-in sipai zawng zawng ni khat hlawh PM-CARES Fund-ah a pe
6:56 PM
Chennai-ah dawrkai hmunpui (mall)-a thawk mi 3 an positive
6:27 PM
Uttar Pradesh-a Muslim zirna in sâng, Darul Uloom Firangi Mahal chuan Covid-19 test leh enkawlna dawn chu an sakhaw dân tlawhchhan thupêk (fatwa) ah a puang
6:22 PM
Bihar: Tablighi Jamaat punkhawmnaa kal mi 3 an positive
6:16 PM
Air India-in contract-a a chhawr mi 200 bân lailawk a tum
6:15 PM
Maharashtra-ah darkar 24 chhungin case thar 81 chinchhiah a ni a, state pumpuia case awm zawng zawng chu 416 a ni
6:10 PM
Tamil Nadu-ah case thar 75 chhinchhiah a ni a, heng zinga 74 chu Tablighi punkhawmna nena inkaihhnawihna nei an ni
6:05 PM
BREAKING: Kerala-ah case 21 chhinchhiar thar a ni a, state pumpuia case awm zawng zawng chu 286 a ni tawh
5:48 PM
DRDO-in ramchhungah PPE leh N-99 hmaituamna a siam ṭan
5:41 PM
India hmarchhak bikah case 20 a awm tawh a, heng zinga 18 chu Delhi Nizamuddin punkhawmnaa aṭanga rawn darh a ni
5:41 PM
Ram pum dinhmun:
Confirmed tawh zawng zawng – 2113
Enkawl lai – 1877
Enkawl dam tawh – 174
Thi zat – 62
5:41 PM
Khawvel pum dinhmun:
Confirmed tawh zawng zawng – 950713
Enkawl dam tawh – 202826
Kâi tawh zat ram – 203
Thi zat – 48313
5:40 PM
Delhi: CRPF Chief Medical Officer pakhat a positive avangin CRPF sipai 7 khung hran an ni
5:35 PM
Union Agriculture Minister, Narendra Tomar-a’n ramchhung hmun hrang hranga thlai thar dinhmun an vil reng tih a sawi
5:21 PM
April ni 3 (zirtawpni) zinglam dar 9-ah PM Narendra Modi-a’n khua leh tuite hnena a thuchah a tichhuak dawn
5:10 PM
Delhi-ah Markaaz tlawhtu enkawl lai mi 108 enkawl mek an ni: CM Arvind Kejriwal
5:06 PM
Kashmir-a Covid-19 patient hmasa ber enkawl dam a ni a, damdawiin aṭangin chhuah tir a ni
5:05 PM
WHO tarlan danin Europe khawmualpuia coronavirus thihpui zawng zawng za zela 95 chu kum 60 chunglam an ni
5:04 PM
India hmalakna ramdangte pawhin an fak laiin politics thila kaihher tumah Amit Shah chuan Congress a puh
5:01 PM
Karnataka: Tablighi Jamaat khawmpui chhimtu mi 391 khunghran an ni tawh: CM Yediyurappa
4:58 PM
Lockdown bawhchhia reng reng IPC leh Disaster Management Act, 2005 tlawhchhanin thubuai siam sak tur an ni tih Home Secretary-in state sorkar te a hriattir
4:52 PM
Ramchhung hmun hrang hrangah doctor 50 Covid-19 kai rinhlelh an awm tawh
4:48 PM
PPE vbc 1.5 chuang chah belh mek a ni a, N95 hmaituamna pawh ram chhungah siam belh mek a ni: Health Ministry
4:42 PM
Uttar Pradesh: Tablighi Jamaat khawmpui chhimtu mi 429 te sample lak a ni tawh: Additional Chief Secretary Awanish Awasthi
4:39 PM
Mumbai Dharavi slum-a cheng coronavirus vanga thi nena intawk zawng zawng chhui mek an ni
4:36 PM
Delhi Nizamuddin-a Tablighi Jamaat hotu, Maulana Saad-a ukil-in punkhawmnaa tel zawng zawngin lockdown zâwmin an awmna an kalsan lo niin a sawi
3:57 PM
Maharashtra Health Minister Rajesh Tope-a’n an state chhungah COVID-19 kai leh kai lo endik hun chhûng rei loh zawknan swab aiah thisen lak sorkar laipuiin a phalsak tih a sawi
3:55 PM
Supreme Court thu bawhzuiin, Home Secretary, Ajay Kumar Bhalla chuan thu belhchian dawl lo a darh lohna atan hma la turin Mizoram sorkar pawh a hriattir a, mipuiin thudik leh dik lo an thliar theihnan sorkar laipuiin web portal a siam tur thu a hrilh bawk
3:58 PM
Rajya Sabha Member thar mi 37-te chu lockdown zawh hmain rinawmna thu tiamtira lakluh an la ni dawn lo tih House Chairman M Venkaiah Naidu chuan a sawi
3:51 PM
North Korea-in an ramah coronavirus a awm lo niin a sawi
3:44 PM
Spain: Coronavirus vanga thi zatin 10,000 a pel
3:41 PM
Israel Health Minister Yaakov Litzman khunghran mek a ni a, hlauhthawn thil thuah Israeli Intelligence Agency, Mossad hotu leh National Security Adviser Meir Ben Shabbat te pawh an inah inkharkhip rih tura tih an ni
3:40 PM
Sakhaw hrang hrang hruaituten punkhawm lam chi reng reng ti rih lo tura Maharashtra CM Uddhav Thackeray-a’n a rawtna PM-in a pawm
3:39 PM
Karnataka-ah nizan aṭangin case thar hriattur a awm rih lo tih state sorkarin a sawi. Tun dinhmunah Karnataka hian Covid-19 kai 110 enkawl lai an nei mek a ni
3:28 PM
Mamit: Mahni ina inkhunghrang mi 122 awm zinga mi 35 chu inkhunghrang tura tih an nih chhung vawiin khan a tawp a, rinhleh an kai loh avangin chhuah an ni. Tun dinhmunah ina inkhunghrang mi 77 an awm mek a, sorkar siam inkhunghranna, quarantine facility-ah mi 10 an la awm mek bawk a ni
3:27 PM
Chalfilh bialtu MLA, Speaker Pu Lalrinliana Sailo-a’n a bialchhung PHC hrang hrang tan PPE, N96 Mask, Disinfectant leh Hand Sanitzer bakah, Task Force hrang hrang tan Hand Wash leh mamawh dangte a sem
3:26 PM
Lawngtlai-ah District Level Task Force-te chu an Chairman Pi Shashanka Ala, IAS hovin an ṭhukhawm a, inkharkhip kalpui tawh dan leh hma lak zui zel dan tur an sawi
3:25 PM
Maharashtra aṭanga Delhi Nizamuddin punkhawm chhimtu mi 1400 hriat an ni tawh a, heng zinga 1300 chu chhui chhuah an ni tawh a ni a, vawiin khan Aurangabad-ah mi 7 chu khunghran an ni tawh a ni
3:20 PM
Aizawl: Tun dinhmuna sorkar siam inkhunghranna (quarantine facility)-ah mi 181 dah luh an ni tawh a, heng zinga 35 chu chhuah tir leh an ni tawh a, pakhat chu dah hranna hmun (isolation ward)-ah dah a ni tawh a, khunghran hi 145 an la awm mek a ni
3:11 PM
Bengaluru-ah tualchhung mi ṭhenkhatin coronavirus natna lanchhuah dan nei leh nei lo en kual tura tih Accredited Socail Health Activist, ASHA hnathawkte kut an thlak
2:51 PM
Delhi AIIMS Doctor pakhat COVID-19 positive hmuh a ni a, tunhnaiah zinchhuahna a nei lo a ni a, hospital hnathawkte chuan an hmanrua leh invenna hman lai aia ṭha ngaihtuah turin sorkar an ngen nghal a ni
2:34 PM
Sorkar laipuiin COVID-19 darh tamna hmun (hotspot) 20 a chhinchhiah tawh a, hmun 22 dang pawh darh tam theihna tura rinhlelh a chhinchhiah bawk, sorkar laipui hian COVID-19 darh tamna hmun hi 10 a lo chhinchhiah tawh a ni
2:26 PM
Sorkar laipuiin motor leh health insurance tun hnaia thi mai tur (March 25 leh April 14 inkar) zawng zawng thih hun April ni 21-ah a pawhsei sak
2:12 PM
Lengteng Bial chhunga damdawiin, LLTF, ramria duty Police-te leh Emergency-a Officer mawhphurtute hman atan vawiin khan hospital hmanrua eng emaw zat phurh chhoh a ni a, bialtu MLA Pu L Thangmawia ruahman angin sem darh leh a ni ang
2:02 PM
PHED Mamit-in Mamit khawpui chhunga LLTF parukte hnenah cheng 2400 ṭheuh a pe
1:34 PM
Aizawl: COVID-19 Committee on Psychological & Social Guidance din a ni a, hmalak chhunzawm dan tur ruahmanna an la siam dawn
1:33 PM
Sorkar laipuiin ruahmanna a lo siam tawh angin Champhai Additional District chuan thupek a chhuah a, hnathawk chhawr lai nei reng rengin an thla bi hlawh a pangngaiin an pe tur a ni a, lockdown vanga an hna an thawk thei lo an ih pawhin an hlawh hi a tihkiam sak tur a ni lo a, mi in luaha khawsa, kut hnathawka eizawng leh inhlawhfa ṭhin te leh an inluah man pek kawngah harsatna an nei a nih chuan in neituten thla khat chhung atan an in luah man tur an dil tur a ni lo a, kuthnathawk emaw inhlawhfa emaw, zirlai emaw, an inluah tirtu reng rengin chhuak turin an ti lui tur a ni lo a ti bawk. Heng hi bawhchhia an awm a nih chuan IPC Section 188 tlawhchhanin thubuai siam sak an ni ang
1:26 PM
BREAKING: Madhuriya Bhuryan, kum 36, AG Office-a Senior Audit Officer hna thawk lai, Pathianni kaltaa Mission Venga a in luaha thia chhar chu COVID-19 test-ah a negative tih DIPR-in a sawi
1:27 PM
Delhi Police-ten Nizamuddin Markaz an ti thianghlim chhunzawm
12:51 PM
Kerala sorkar-in a mamawh zual leh doctor phalnaa zu in ngaite hnena thlen (deliver) a tum chu Kerala High Court-in a remti rih lo
12:18 PM
Indore-ah doctor kutthlaktu mi 4 man an ni
11:55 PM
PM Modi-a’n State hrang hrang CM-te video conference-in a kawm
11:35 AM
Health Ministry, MoHFW-in zinglam dar 9 thlenga a chhinchhiah dan chuan ram pumah Covid-19 kâi enkawl lai 1764 an awm tawh a, 150 enkawl dam an awm tawh a, thi 50 an awm tawh bawk a ni
11:22 AM
Mumbai Dharavi slum-a sanitation lam hnathawk mi pakhat test-ah a positive
11:03 AM
Pakistan-in an ram lockdown April ni 14 thleng a pawtsei
10:52 AM
Andhra Pradesh-ah case thar 21 a awm a, state puma awm tawh zat chu 132 a ni a, mi 7 khunghran belh an ni
10:43 AM
Noida: Muslim sakhaw betu ṭhenkhat an punkhawm leh avangin mi 1 hren a ni a, midang 12 thubuai siam sak an ni
10:33 AM
Home Ministry-in thu thang dik lo bei let zel turin State leh UT zawng zawng a ngen
10:14 AM
Haryana: Kum 67-a upa pa pakhatin Covid-19 a thihpui, hei hi Haryana-a Covid-19 thihpui hmasa ber a ni
10:13 AM
Arunachal Pradesh-in an state chhunga Covid-19 case hmasa ber a chhinchhiah a, Delhi Nizamuddin punkhawmna chhimtu zing ami nia hriat a ni
09:41 AM
US-ah thla ruk leka upa nausenin coronavirus a thihpui, thuneitute sawi dan chuan nausen hi damdawiin thlenpui a nih chuan nikhua a hre tawh lo a, post-mortem pahin a thisen an test a ni
09:27 AM
Indian Navy-in infra-red hmanga khawsik leh sik loh enna khawl thar a siam chhuak a, cheng 1000 man vel a ni
09:15 AM
Maharashtra-ah case thar 3 a awm
09:07 AM
Assam-a case awm zawng zawng zat chu 16 a tling tawh
8:36 AM
Infiamna lam: Khabib Nurmagomedov chu hrilêng vanga an ram, Russia a chhuahsan theih loh avangin UFC 249 main event aṭangin a inhnukdâwk
08:32 AM
Mumbai Dharavi slum-a mi pakhatin coronavirus a thihpui vangin state sorkar a in ralring hle: State Health Minister Rajesh Tope
08:29 AM
Tablighi Jamaat punkhawm chhimtute la zawn chhunzawm zel an ni
08:22 AM
Rajasthan: Positive case 9 a awm belh a, state pumah 129 a awm tawh
08:13 AM
Nimin kha India rama Covid-19 case a pun tam ber ṭum a ni a, case awm zawng zawng in 2000 a pel
