Ram venhimna atan khua leh tuiten ni eng emaw zat an dawh tawh tih ka hria a, ei leh bar kawngah leh hna thilah harsatna in tawk a, mahse in tum a la ruh hle a ni tih ka hria.
Coronavirus hrilêngin harsatna lian tham a thlen hma hauhin India chuan ṭumhmun leh hmun dangah te Covid-19 screening a ti ṭan tawh a, hrilêng do tura hma taka India a chet avang hian, ram lian leh changkang zawkte ai pawhin hrileng do kawngah hian kan che ṭha zawk a ni.
May ni 3 thleng lockdown pawhsei a ni ang.
Nitina inhlawhfa leh loneitute tan lockdown hi thlah dul hret a ni ang.
April ni 20 thleng lockdown hi khauh taka kalpui tur a ni a, State, District leh veng hrang hrangten lockdown an kalpui dan en zui reng a ni ang.
April ni 20 thlenga lockdown kalpui ṭha leh case neih belh lem lo hmunah te chuan inkaihhruaina thlah dul a ni ang a, kalphung leh hna an chawlhsan mek ṭhenkhat chu khuahkhirhna nen an chhunzawm thei ang a, mahse he phalna hi hri lên zel dan azirin hlih leh theih a ni ang.
Lockdown inkaihhruaina kimchang chu naktuk April ni 15-ah hian sorkar laipuiin a tichhuak ang a, mi rethei leh chanhaite ngaih pawimawh an ni ang.
