Prism Party hian vawiin chawhnu dar 1 khan he inthlannaa an Candidate tur hi an puang a, an Party President, Pu Vanlalruata chuan, an Party chu Mizoram zalenna duhtu a ni tih sawiin, Ram leh Hnam himna leh hmasawnna tur chauh ngaihtuah a, chumi atana mualpho pawh huama pen \hin a ni, a ti a.Citizenship (Amendment) Bill, 2016 hmangin Mizoram leh hnam dikna chanvo leh ham\hatnate dan chepsak an tum mek a, an unaute nena an intlawh tawn theihna pawh ti tawp a nih mek thu sawiin, hetianga ram leh hnam himna a derthawn lai hian ram hnam leh sakhaw himna tur a nih chuan tiin party dangte nena thawh ho pawh an rel thuak thuak hman a, chutiang a nih lai chuan Congress leh ZPM te lo inbe falin thawh ho an lo rel fel vek a. An thawh honaa tel tura an sawmin ‘Sakhaw tih bik nei lo leh hnam hnufualte chawi kan duhte thawh ho’ an rawn rawt a. Hnam hnufualte avanga Mizo hnamin buaina tam tak an tawh mek dan leh an party thuthlungte an ngaihtuahin an party chu sakhaw tih bik nei leh Mizo tan liau liaua ding an nih avangin thawhpuia an sawmna chu an pawm thei ta lo tih a sawi.
PRISM Party Candidate, TBC Lalvenchhunga pawhin, politics chu politician in an hmachhawn a ngaih thu a sawi a. Party\tha chuan politician tha a chher chhuak tur a ni a, Mizorama political history-ah Aizawl pawn atanga MP atana candidate party dangten an la siam ngai loh laia a ni ruat a ni chu thil danglam a ni tih sawiin, Party candidate a nih angin party thil tumte tihlawhtling tura hma lak a tum thu a sawi.
