AP Larsapin ST tan Assam Rifles-a luh dan Union Home Minister sawipui

Arunachal Pradesh Larsap, Brig. BD Mishra chuan nimin khan Union Home Minister biain, Assam Rifles-in sipai an laknaa Scheduled Caste pual dah hran \hin chu tribal mite tana dah ve chungchang a sawipui. Pu Mishra hi sorkar laipui mi pawimawhte kawm turin Delhi-ah a zin mek a, hmarchhak bial hmun hrang hrangah Scheduled Caste mi an tlem avangin, an puala hna hauh chu luahtu an awm \hin loh avangin, heng hnate hi Scheduled Tribe mite tana dah mai \ha zawk a tih thu, Pu Rajnath Singh hi a hrilh a ni. Hemi chungchang hi Pu Mishra hian Assam Rifles Director General pawh a lo sawipui tawh a, ramri hrula sipai awmte thuam \hat dan tur leh, Excise and Narcotics Department nena ruihhlo do kawnga chak zawka an thawh dun theih dan turte a sawipui a ni. Pu Mishra chuan ramri hnaiha ram mi cheng an tlem telh telh chu \ha a tih loh thu leh ramri hrula khuate hmasawnna tur, zirna in bakah, sumdawnna hmun te, tui leh inbiakpawhna awlsam zawkte leh damdawiin siam te a rawt bawk a ni.