Zonet zawhna chhangin, Pu Lalsawma chuan tunlai hian antibiotic ei nasat avanga damdawiin natna hrik a ngam lona hrang hrang a hluar hle tih a sawi a, hei hi a chhan chu \ul lova antibiotics mipui ten an ei nasat vang a ni, a ti a. Damdawite hi fimkhur taka ei a nih loh chuan taksaa antibiotic-in hna a thawh tur ang chu natna hrikin a lo do let thiam thuai \hin a, hei hian natna pawh a dam \hat theih loh phah bakah taksa tan a \ha lo thei a. Doctor chawh ni lo chu mahni thua damdawi ei mai mai a him lo tih hriat a ngai a ni, a ti.
Antibiotics hmansual chungchangah tunhnai khan Controlling & Licensing Autority chuan thuchhuah siamin, Antibiotics registance laka mipui an him theih nan damdawi zuartuten mawh an phurh thu leh doctor chaw ni lo chu mipui hnena hralh lo turin damdawi zuartute a hriattir a. Antibiotic abikin schedule H1 a mi te, hralh a ni dawnin danin a phut anga schedule H1 register-ah ziak lut tur te, damdawi leitute hnenah Cash memo an pe chhuak ngei tur a nih thu leh damdawi chawhtu Doctor hming, a ni leh kum te ziak lang turin damdawi zuarte chu hriattir an ni.
