He \hutkhawmna hi ZPM Steering Committee Chairman, Pu Lalliansawta’n a kaihruai a, Assembly inthlanpui vote thlak zawh taka an pawl hmalakna hrang hrang an thlirho bakah
inthlan result ni thei awmte leh an pawlin eng angin nge mipui thinlung a luah dante thlirhovin, December ni 11-a inthlan result puan hunah an dinhmun chu eng ang pawh ni se thiam taka an dawnsawn theih dan tur an sawiho a ni.
Bial hrang hranga thil awmdan thlirin, ZPM candidate-te chu an che \ha thawkhat nia an ngaih thu leh lo tling zo ta lo pawh ni se, hnual mai lova chak zawka hmalak dan turte an sawiho a ni. ZPM chu pawl hrang hrang inzawmkhawm an nih avangin chak zawka an kal zel theih nana hmalak dan turte an sawiho bawk.
