Hemi puala inkhawm Treasury Square-a an pawl Pisa-a neihah hian ZPM Leader, Pu Lalduhoma chuan Mizoram mipui zawng zawngte ZPM chuan Krismas leh Kumthar chibai an buk tih a sawi a, ZPM mi leh sate chu hunpui lo thleng turah midang tana hnawksak zawnga khawsa lo tura ngenin, an lawina kohhranah \heuh \hahnem ngai taka rawngbawl turin a chah a. Mizo tlawmngaihna chhawm nungtu ni tur leh Kristianna vawng nungtu nih tum tlat tura chahin, an theihna zawn \heuhah Pathian tana thawktu nih tum tlat turin a chah a ni. Pu Lalduhoma chuan, an Policy chu Pathian hriatpui Policy a ni tih sawiin, tun hmaa an Policy tuipuitu ni \hin, tunhnuah hmun danga pem tate chu MLA a an in candidate pawhin an dingchhuak ngai tawh lo nia sawiin, hei hian an Policy chu Pathian hriatpui a nihzia a tarlang chiang hle a ni, a ti a. Engtik hunah emaw chuan an Policy tihlawhtling turin Pathianin hun \ha a pe ang tih a beisei tlat niin a sawi bawk.
He inkkhawm kaihruaitu, ZPM Steering Committee Chairman, Pu Lalliansawta chuan ZPM MLA-te chu kawng hrang hrangah an bial leh Zoram mipuite tan \hahnemngai taka hnathawk turin a chah a. MLA a tling zo ve ta lote pawh an tawrhpui takzet tih sawiin, an tlak avanga hnual mai lovin, chak lehzuala hmasawn tirtu nih tum turin a chah a ni. ZPM Pisa hi kumin chhung khar a ni tawh dawn a, kum thar January ni 14-ah hawn leh a ni dawn a ni.
