Hemi puala inkhawm Aizawl Treasury Square-a an pawl pisa-a neih hi ZPM Steering Committee Chairman, Pu Lalliansawta’n a kaihruai a, Val Upa Council Chairman, Pu Lalfakzuala chuan, ZPM MLA te chu an kutah mawhphurhna sang tak a awm tih hre turin a chah a. MLA a tlingzo ve ta lote pawh beidawng mai lova tun a\anga theih tawp chhuah a, beiseina nena hmalam pan tur leh Mizoram inthlanpui neih zawh takah an beisei ang zat tling zo lo mah se, an dinhmun leh MLA an neih zat chu a chhe lo tih hre turin mipuite a chah a, \ha tak bul an \an thei chu lawm tur an ni tih a sawi.
ZPM pisa hawnna inkhawmah hian ZPM MLA 7- Tuirial bialtu Pu Andre H. Thangliana, Aizawl North I bialtu, Pu Vanlalhlana, Aizawl North II bialtu, Dr. Vanlalthlana, Aizawl South I bialtu, Pu C. Lalsawivunga, Aizawl South II bialtu, Pu Lalchhuanthanga, Aizawl West III bialtu, Pu VL Zaithanzama leh Serchhip leh Aizawl West I bialtu MLA, Pu Lalduhoma’n thu an sawi a. Inthlan hma leh campaign chhung zawnga Mizoram hmun hrang hranga an pawl tana zai sak tu, Nula Rebek Lalruatfeli hnenah chawimawina hlan a ni a, Wake Up Ministry chuan ZPM MLA 7 te hnenah lawmpuina thuziak an hlan bawk a. Wake Up Ministry Vice Chairman, Rev. Lalzuithanga’n ZPM MLA te chu Pathian hnena hlanin, Zoram kaihruai tura malsawmna a dil sak a ni.
