He thutlukna hi Pathianin a mite \awngtaina a chhannaah an pawm tih sawiin, Kohhran leh Jt. NGO Coordination Committee hmalakna thlawptu zawng zawng chungah lawmthu an sawi a ni.
ZPM hruaitute \hukhawm chuan, MLA inthlan liamtaa Pathian leh mipuite zara bial riat laia hnehna an chang chu lungawithlak an tih thu an sawi a, kum 2023-a Mizoramin Assembly inthlanpui a hmachhawn turah chuan Mizoram mipuiten an duh ber ‘Kalphung Thar Mipui Sorkar’ a din tawh ngei an beisei tih an sawi. ZPM puipate \hukhawm chuan, kumina Lok Sabha inthlanpui neih tur leh Aizawl West I-a MLA by election lo awm tur atana inbuatsaih dan tur urhsun takin an sawi ho a, India rama sakhaw tenau leh hnam hnufualte dipral dan kawng daptu BJP leh an tha tichaktute chu ZPM chuan theihtawpin a dodal zel dawn tih sawiin, Mizo sakhua leh hnam himna atan \angrual a, rilru fim taka inthlan hmachhawn turin Mizoram mipuite an sawm a ni.
ZPM puipate \hukhawm hi chhawng thum-in an inkawm ho a, heng \hutkhawmna hrang hrang hi Val Upa Council Chairman, Pu Lalfakzuala, Steering Committee Chairman, Pu Lalliansawta leh Research Wing Chairman, Prof H. Lalramnghinglova ten an inkaihhruai chhawk a ni.
