Andra Pradesh Sorkar hian building 20 neitute hi hriattirna a pe tawh a, hemi hmalam hian Chief Minister Jagan Mohan Reddy chuan Krishna lui kama dan lova in sak zawng zawng te chu tih chhiat vek an ni dawn tih a lo puang lawk tawh a ni.
Hriattirna lehkha hi luikam hnaiha Naidu-a chenna in bangah pawh tar a ni a, he inah hian kum 4 liamta a\ang khan a cheng tawh a ni. Hriattirna lehkhaah hian Chandrababu Naidu-a in ropui tak concrete building, swimming pool, helipad leh a vela bukte sak zawng zawngte chu Krishna lui kam metre 100 huam chhunga awm a nih avangin dan kalha sak a ni tih tarlan a ni a, hriattirna pe tu Andra Pradesh Capital Region Development Authority chuan Naidu-a chu ni 7 chhunga insawifiah turin a hriattir a, a insawifiah lo anih chuan a chenna in hi chhuahsan turin a ti a ni.
