Police-te chuan North Sentinel Island-ah hian Chau hi sangha mantu \henkhat-in an hruai tih an sawi a, heng sangha mantute pawh hi an hren tawh thu leh thu an zawhfiah tawh thu an sawi bawk a, tun thla ni 14 kha Chau hian Sentinel mite hi tlawh pawh a lo tum tawh thu leh a hlawhchham hnuah, ni 16 khan a kal nawn leh tih an sawi a, sangha mantute hian an hmuh hnuhnun ber chuan Chau hi a nghawngah hruia hlin a hruai bo a ni tih an sawi a, a tuka an va kal leh chuan tuipui kamah a ruang an va hmu ta mai niin an sawi bawk a ni.
North Sentinel thliarkar hi tlawhpawh phal loh a ni a, a chengte pawh hi hnam mawl an nih avangin India sorkar chuan a humhalh tlat a, Sentinel mi ni lo an lo that a nih pawhin rorelna a lek ngai lo a ni. Sentinel hnamte hi kum 2011 khan ral a\anga chhiar an ni a, mi 40 vel an la dama hriat a ni a, kum 2006 khan sangha mantu pahnih chu he thliarkar hnaih taka tuiin a len hnuah, Sentinel hnamte hian an lo that tawh a, hemi hnu hi chuan tumahin tlawhpawh an la tum leh ngai lo a ni.
