ANC-in President Jacob Zuma bang turin nawr leh dawn

South Africa rama rorellai party African National Congress ANC chuan President Jacob Zuma chu bang turin a nawr nawn leh dawn. Jacob Zuma hi bang tura nawr lo ni tawh mahse a lo bang duh lo tawh a ni. ANC Party hruaitute hian khunkhan taka an ngaihtuah hnuah President Zuma hi bang tura nawr an rel thlu leh a, kum 75 mi, Zuma hi a bang duh lo a nih chuan Parliament ah amah rintawk lohna motion putluh a ni ang a, hei hi a paltlang zawh a rinawm chuang lo a ni. Kum 2009 atanga President hna chelhtu Zuma hian eiruk thubuai thahnem tak a awrh mek a ni. ANC Party hian an thutlukna hi la puang chiang lo mahse, tualchhung chanchinbu leh Reuters News Agency te chuan President hi ban tir an rel tih an tarlang tawh a ni. December thla atang khan Zuma hi bang tura nawr a lo ni tawh a, ANC Party hotuah pawh Cyril Ramaphosa chu Zuma aiah hian dah a lo ni tawh bawk.