American Airlines-in Boeing 737 MAX thlawhnate thlawh chhuah khap a nih avangin ni khata thlawhna thlawk chhuak zingah flight 115 an chawlhtir dawn.

Boeing 737 thlawhna hi thla 5 chhunga vawi 2 a chetsual vangin khawvel pumah March thla laihawl a\ang khan thlawhchhuah khap a ni tawh, American Airlines chuan a tirah khan June ni 5 thleng chauh thlawhchhuah khap an tum a, he khap hun hi August ni 9 thleng an pawhsei leh avangin hun lo kal zel turah flight 115 chu hnuhlet a nih tur thu American Airlines chairman leh CEO ni bawk Doug Parker chuan a sawi a, Federal Aviation Administration leh Boeing te nen an thawh honaah MAX thlawhna hi August ni 19 hian thlawk chhuak leh thei-a siam a nih tur thu a sawi a, thlawhchhuah khap hun pawhsei a nih hian thlawhna hi a hma aia \ha leh mipuite rin theih tura siamna hun thawl a inhawng a ni a ti a, nipui laia mi te an zinchhuah tam hunah hman leh theih a nih tur thu a sawi.