Cayman thliarkar, Jamaica leh Cuba inkar, km 10-a thuk lei chhungril a\angin he lirnghing hi a in\an niin US Geological Survey chuan a tarlang a, chenna in \henkhat chu a nghawr nghing nasa hle a, hmun \henkhatah lei a khi tih tarlangin tun dinhmunah thi leh hliam report an la dawng lo tih a tarlang bawk.
Jamaica leh Miami-ah chuan he lirnghing vang hian pisa \henkhata thawkte chu thiar chhuah an ni a, Pacific Tsunami Warning Center chuan lirnghing in\anna a\anga km 300 huam chhunga awm Belize, Cuba, Honduras, Mexico, Cayman thliarkar leh Jamaica-ah te chuan lirnghing nghawng vangin tsunami a thleng thei niin an sawi a, Seismologist Dr. Lucy Jone chuan lei chhung ril inthuah dik lo lai a insut vangin a saisir zawngin a nghing a, hei hian tsunami thlen theihna chu a tihniam hle tih a sawi.
