Hetah hian Bawlhhlawh thliar hran chungchanga veng hrang hrangte harsatna leh chinfel dan turte sawi ho a ni a. Bawlhhlawh Paih motor indaih loh chungchang te, vantlang bawlhhlawh bawm khawlaia hûnin harsatna a thlen te, veng hrang hranga Inrinni Bazar bawlhhlawh thliar hran chungchanga harsatna awm te, mipui hnena bawlhhlawh thliar dan tur nasa leh zuala inzirtir a ngaih thu te sawi ho a ni. Councillor, Pi M. Zohmingthangi chuan, Bawlhhlawh thliar sa lo chu paih a rem tawh dawn lova, bawlhhlawh \awih thei fun nan bag tawih thei chauh hman tawh tur a ni, a ti a. Lehkha leh lehkhakhawng chu a \awih ral theih hun chhung a rei avangin avangin tawih thei lo zinga paih zel tawh tur a ni tih a sawi. Tunah hian Bawlhhlawh Tuiriala Sawngbawlna hmun, Solid Waste Management Centre-ah Aizawl khawpuia veng thlan bik 19 ten an paih mek a, kumin February ni 10 a\angin veng dang 38 in an paih leh ang a, March thla a\ang chuan Aizawl khawpuia veng zawng zawngten Bawlhhlawh Sawngbawlna hmunah hian an paih vek thei tawh tura beisei a ni.
