Mayor, Pu PC Lalhmingthanga chuan, kum 2012 aaanga PPP mode hmanga bawlhhlawh paih \an a nih a\angin AMC chuan Aizawl khawpui chhung veng hrang hranga bawlhlawh phurhkhawm nan cheng nuai 500 vel a seng tawh tih a sawi. Bawlhlawh paih dan fimkhur tawk loh avangin lui dung leh a chhehvel nasa taka tih chhiatin a awm mek tih sawiin, Pu PC Lalhmingthanga chuan, hei hi titawp a \ul thu leh mipuite chu bawlhlawh an paih danah fimkhur se a duh thu a sawi. Plastic khapna dan thar hman an tum chungchangah mipuite nen thawh hona \ha neih a pawimawh tih sawiin, zana kawng dunga lirthei dah \hinte chu danin a phut anga Garage mumal tak nei \heuh tura a duhthu a sawi bawk.
Bawlhlawh thliar hran Segregation waste chungchang sawitu Dy. Mayor, Pu Lalringliana chuan, bawlhlawh paih dan hian chhung tinte a nghawng a, hei vang hian bawlhlawh paih kawngah hmasawn a \ul hle a ni, a ti a. Tuiriala bawlhlawh sawngbawlna hmun siam mek hman theih a nih huna harsatna a awm loh nan chhung tinte chu tun a\anga an bawlhlawh te lo thliar hrang lawk turin a chah a ni. Pu Lalringliana chuan, AMC sum hnar pawimawh tak performance grant a sum tam tak hmuh a nih theih nan khawpui faina tura hmalak dan chuan nasa takin a hril tih a sawi a, faina leh thianghimna kawngah chhung tin leh mimal tinte chu \an la thar leh \heuh turin a sawm bawk.
Thla thar ni 1 a\anga AMC in Plastic free kalpui a tum chungchang chu Plastic Free City Committee Chairman, Pu Lalhmingmawia’n a sawi a, zana lirthei dah chungchang, Parking lama mawhphurtu Councillor Pu R Lalbiakthanga’n a sawi bakah thupui hrang hrang an sawi ho bawk.
