Lawngtlai Bawrhsap hlui, Dr. Arun T dik lo taka sawn nia ngaia dah l>t leh tura sorkar nawrna atana sorkar hnathawkte pisa kai tur nimin a\anga dangtu All NGO Coordination Committee invuahte chuan vawiin khan sorkar hnathawkte pisa kai tur dan an chhunzawm leh. Lai Student’s Association huaihawta sorkar hnathawk tur dan hi Lawngtlaia tlawmngai pawl hrang hrangten an thlawp avangin All NGO Coordination Committee hminga dan chhunzawm a ni a, hemi avang hian vawiin khan sorkar hnathawkten pisa an kai thei lo a ni. All NGO Coordination Committee hminga sorkar hnathawkte dan hi chhun zan zawmin chhunzawm zel an tum tih LSA hotute chuan Lawngtlaia kan Corr. an hrilh a ni. Hetihlai hian Chief Minister, Pu Lal Thanhawla chuan Lawngtlaia All NGO Coordination Committee hnenah lehkha thawnin Chakma Autonomous District Council inthlanna puan a nih tawh avangin an thil phut hi inthlanna zawh fel a nih hma chuan ngaihtuah theih a ni lo tih a hriattir a ni. —————–
AH & Vety Minister, Pu C. Ngunlianchunga chuan vawiin khan Lawngtlai District-a Bungtlang South-ah ran enkawlna, Dispensary thar a hawng. Hawnna inkhawma thu sawiin, Minister chuan he Dispensary hi AH&Vety Deptt.-in Lawngtlai West bial huam chhunga a hawn hmasak ber leh a awm chhun niin a sawi a, kumin chhung ngei hian he Dispensary enkawl tur hian ran doctor dah theih tum a nih thu pawh a sawi bawk. Pu C. Ngunlianchunga chuan kum 10 dawn lai Congress sorkarin ro a rel chhung hian Lawngtlai District leh District dangten nasa takin hma an sawn niin a sawi a, neitu rilru pua dik tak leh rinawm taka hnathawh a pawimawh thu a sawi bawk. He Vety Dispensary hawn tak hi RKVY sum Rs. 30,00,000/- senga sak a ni. Hawnna inkhawm hi DVO, Dr. B. Zonghinga’n a kaihruai a ni.
