Cooperative Societies Registrar leh Mizoram State Cooperative Union \angkawpin All India Cooperative Week vawi 64-na hmanna, Assembly Annexe Conference Hall-a an buatsaih chu CM, Pu Lal Thanhawla’n a hmanpui a. Hmanlai a\anga Mizoten khawtlang nun nghet tak an lo neih tawh, tlawmngaihna, hnatlang leh mite \anpui chu Cooperation thil tum pawimawh tak a ni sa niin a sawi a. Mizoram chu sik leh sa leh thlai chi tinreng \hatna hmun a nih thu leh sawiin, a ram leilung hausakna haichhuah chu a chhunga chengte mawhphurhna a nih avangin, Cooperative Movement chu hman \angkai thiam a pawimawh tih a sawi.
Cooperation Minister, Pi Vanlalawmpuii Chawngthu pawhin, Cooperation Department hnuaia hnathawkte leh Cooperative Society member-te chu tunhma zawng aia nasa lehzuala \an la turin a fuih a; sorkar a\anga \anpuina beiseitu ni lova sorkarah sum chhung lut thei tura \an la turin Society member-te chu a sawm a ni. Vawiina All India Cooperative Week hmanna inkhawm hi MSCU President, Pu Lianthangpuia’n a kaihruai a, hemi puala Souvenir buatsaih chu CM-in a tlangzarh a, MSCU Bye-Law tih lehkhabu chu Cooperation Minister-in a tlangzarh bawk.
