He thu hi vawiina Aizawl Press Club-a thuthar lakhawmtute a kawmnaa an zawhna chhangin a sawi a, an candidate turte puan hun chu hriat theih la ni lo mah se, hemi chungchang ngaihtuah hian zaninah an Party hotute an \hukhawm dawn a, reilote hnuah an puan theih a beiseiawm niin a sawi a ni. Tun hnaia an Party hruaitu hlun leh MLA pahnihin an chhuahsan chungchang zawhna chhangin Goa Chief Minister hlui ni bawk, Pu Luizinho Faleiro chuan, inthlan dawn hnaiah chuan Party tinah nitin lut leh chhuak an insulpel zut zel nia sawiin, hei hian an Party-ah a \ha lo zawnga nghawng a neih a rin loh thu a sawi a, tuna Mizorama sorkar dinglai Congress kaihhruai chu hna an thawh \hat avangin mipui thinlungah sorkar dinglai ninna emaw, paih duhna emaw a awm a rin loh thu leh an sorkar chhunzawm leh ngei a rin thu a sawi.
Pu Luizinho Faleiro chuan BJP kaihhruai NDA sorkar chu a nihna taka lang chho mek tih sawiin, tunah hian India ram sum leh pai dinhmun chu a tlahniam zel a, nitin mamawh leh ei leh bar man a to a, tuialhthei man pawh a to tial tial a, \halai hnathawh tur nei lo an pung zel a, pawisa tih thih leh GST vangin thil siamna hmun tam tak khar chhoh mek a ni a, loneitute an rum tlawk tlawk nia sawiin, Prime Minister Narendra Modi-a’n ram danga pawisa cheprelh laklet a tum pawh laklet hmuh tur a la awm lo mai ni lovin BJP chuan mipuite sakhaw vawn tur te, an ei leh in tur te, silh leh fen inbel tur thlengin thuneih an tum niin a sawi a, hemi tuartu hi mi tam tak an awm tawh a, hetiang hi BJP party nihphung a nih laiin Mizoram eptu party lian ber MNF zawmpui a ni a, hmarchhak biala BJP kaihhruaina hnuaia thawhhona, NEDA dinnaah pawh MNF President, Pu Zoramthanga chu a meizang hlaptute zinga mi a ni tih sawiin Pu Luizinho Faleiro chuan, kum 2008-ah kha chuan Mizoram sum leh pai dinhmun chu a hniam hle a, GSDP leh per capita income pawh ram pumpui chawhrualin aiin a hniam zawk a, tunah chuan hei hi a letling thawk tawh a, GSDP leh per capita income hi ram pumpui chawhrual aiin a sang tawh zawk niin a sawi a. Infiamna kawng hrang hrangah pawh Mizoram chuan nasa takin a hma a sawn nia sawiin, zirlaite pawhin an khawtualah ngei zirna sang ber ber an zawm thei tawh a, hei mai hi ni lovin Doctor zirna hial a awm ta chu hmasawnna chhinchhiah tlak tak niin a sawi a, kum 2008 inthlan dawna Congress Party-in football khelmuala phullem phah tura a intiamna chu a taka tihhlawhtlin a nih bakah, Aizawlah ngei Football zirna changtlung tak hawn a ni ta chu sorkar hmalakna tarlantu niin a sawi bawk.
