US Constitution-ah ram palai fate tih loh chu ram chhunga piang tawh phawt chu khua leh tui nihna pek an ni a, Hoda Muthana hi a pa Ahmed Ali Muthana-a’n United Nations-a Yemen’s Mission a chawlhsan kum 1994 khan a piang a, Hoda hi Ontober ni 28-ah piangin, a pa hi June ni 2 khan a hna a\angin a bang a, hei hi innghahna’n hmangin Donald Trump hian US khua leh tui nihna a nei lo tiin Hoda Muthana haw leh tum hi a dang a ni. Secretary of State Mike Pompeo chuan Hoda hi America sipaite leh mipuite laka hlauhawm taka che, mifirfiak a nih thu sawiin US-ah a let tawh dawn lo tih a lo sawi tawh bawk.
Hoda pa Ahmed Ali Muthana chuan sorkar thil tihdan chu Washington-a US District Court-ah khingin federal court chu a fanu leh a naute pawmlai an haw leh theih nan, Hoda hi US khua leh tui a ni ngei tih fiahsak turin a dil a, Hoda hian a lo haw veleh a thil tih sual te vanga hremna United States Justice Department te’n an pek ang apiang tawrh a huam thu a sawi niin court a hrilh bawk. Ram dangte kalphung nena khaikhinin US ah hian khua leh tui nihna inhlih sak a harsa hle a ni.
