Hamza Bin Laden hi kum 30-a upa a ni a, US leh ramdangte beih a tum thu video leh voice message hmangin a tichhuak \hin a ni.
Kumin February thla khan US sorkar chuan Hamza Bin Laden-a manna tura kawng kawhhmuh theite hnenah US Dollar maktaduai khat pek a lo tiam tawh a ni.
Hamza Bin Laden thih thu hi US media hrang hrangin an puangzar a, amaherawhchu, al-Qaeda a\angin a thih thu puan erawh a la awm lo a ni.
Hamza Bin Laden hi kum hnih liamtaah pawh khan sipai pawl chetnaa a thi nia sawi a lo ni tawh a, US sorkar a inhnamhnawih ngei nia hriat a ni a, amaherawhchu, a thih ni leh dar zat chiang taka sawi tur a awm lova, khami \um khan President Donald Trump chu chanchinbumiten Bin Laden thah chungchang an zawt a, Trump chuan chhanna a pe lo a ni.
Kum 2011-a Pakistan-a US Special force-in a pa, Osama Bin Laden an thah vangin Hamza Bin Laden hian jihadists te chu phuba la turin a fuih nasa hle a ni.
Kum 2018 khan Arabian Peninsula mipuite chu helna chawkchhuak turin a sawm a, Saudi Arabia sorkar chuan hemi kum vek March thla khan a ram khua leh tui nihna a hlihsak a ni.
