11:07 AM : Positive hi kum 50 mi a ni a, Amsterdam atangin Delhi-ah March ni 10 khan a thleng a, March ni 16 khan Delhi atangin Guwahati panin Indigo thlawhna, 6E-939 ah a chuang leh a, hemi ni vek hian Guwahati atangin Aizawl panin Go Air flight number G8X/G8298 ah a chuang leh a ni. A chuanpuite leh amah hnaiha lo awm tawhte chhui zui mek an ni a, amah bakah hian a nupui leh fate pahnih ZMC-ah isolate mek an ni.
Positive hi March ni 18 khan a khua a sik deuh tawh a, Amsterdam-a a châm lai pawhin a lo nuamsam lo tawh a, March ni 22 (Pathianni) khan a inah Doctor-in a tlawh a, sample a lak sak a, nizan khan confirm a ni ta a ni.
10:00AM : Aizawl pa pakhat positive hmuh a ni a, ZMC ah dah phei a ni. Ram dang aṭanga a kai a ni a, tualchhunga kai anih loh avangin chiai loh tur a ni tih Health Minister Dr. R Lalthangliana’n a puang. Damlo hi hi Pastor, ramdanga zir a ni a, midang kaidarh palh thei tur invenna lama hriatna sang tak nei sa a ni.
Falkawn Referral Hospital hi COVID-19 Operational Hospital atan ruat nghal a ni a, hna pawh thawh tan nghal a ni a, damlo awm sa zawng zawng damdawiin dangah sawn an ni ang.
