Tun hnaia hunpui hman laia Aizawla veng chhung kawn chei mawi berah Tlangnuam thlan an ni. Vawiin khan UD&PA Minister, Pu Zodintluanga pisa-ah Krismas vuakveta veng hrang hrangten an veng chhung kawn an chei lawmman hi sem a ni a, he lawmman semna inkhawm hi UD&PA Secretary, Dr. C. Vanlalramsanga’n a kaihruai a. UD&PA Minister chuan mipui nawlpuiin an len vahnaa hmuhnawm en tur an neih theih nana veng \hahnemngaiten an veng chhung an chei \hin chu lawmawm a tih thu leh, Krismas hi Kristiante hunpui a nih avangin veng hrang hrangin mahni insengso-a kawn an chei \hin chu chhunzawm zel chi nia a ngaih thu a sawi a ni. Krismas vuakveta veng chhung kawn chei mawi lawmman pakhatna dawngtu, Tlangnuam hian tangkafai cheng nuai khat an dawng a, pahnihna – Chaltlangin cheng 70,000, pathumna – Durtlang-in Rs. 50,000 an dawng a. Consolation prize, Rs. 20,000 \heuh pawh Mission Veng, Republic Vengthlang leh Electric Veng hnenah hlan a ni bawk.
