A kharna inkhawm tukin dar 7-a an veng kawna neih hi an veng Branch YMA President, Pu Lalrinawma’n a kaihruai a, Local Council Chairman, Pu H. Lalnunsanga chuan, faina leh thianghlimna kawnga an hmalakna chikhat atan hun engemawchen kal tawh a\ang khan an vengah vawk leh ar vulh an remti lo nia sawiin Ui pawh khauhkhirh a ni a, an neitute tel lo chuan khawlaia chhuah an remti lova, hei hi veng dang mite pawhin zawm sak se an duh hle tih a sawi. Pu H. Lalnunsanga chuan an venga UD&PA-in bawlhhlawh bawm a hun pawh mumal taka enkawl a nih thu leh Local Council-in hlawh neiin kartin heng bawhhlawh bawmte hi a thianfaitu a ruai ziah niin a sawi a, hei hian faina kawnga an hmalaknaah nasa takin a \anpui nia an hriat thu sawiin Thakthing Veng hian tun thla ni 2-a hnampa, Mahatma Gandhi pianchampha puala ram puma faina hapta hawn a nih rual khan an veng chhungah faina beihpui hi an thlak \an a, hetih chhung hian an veng chhung hmun hrang hrang thianfaiin, kawr leh hmun \awp zual laite an thianfai a, bawlhlawh ringawt pawh truck trip 2 zet an paih tih an sawi.
