MJA General Headquarters member-te tana free clinic a buatsaih hawnna inkhawm Medical Superintendent Conference Hall-a neihah Medical Superintendent Dr. K.L Remsanga chuan, Medical Superintendent a nih chhunga hospital thawktute leh MJA ten thawhhona tha tak an nei chu lawmawm a tih thu sawiin, chanchinbumiten Civil Hospital-a thil thleng nia sawi thudik a ni em tih an finfiah hmasa \hin chu lawmawm a tih thu a sawi. Medical Superintendent chuan, hospital chhung himna tur leh faina kawngah nasa takin hma an la thar tih a sawi a, hospital-in hmanrua a neihte a\anga a hman man tlemte lak khawm \hin chu damdawiin venghimtu tur leh a tifaitu tur rawihna atan \angkai taka hman anih thu a sawi a, damlo te mamawh em em Oxygen chu damlo khum bulah vuah vek a ni tawh tih a sawi bawk.
MJA Gen. Hqrs. President Pu Zonunsanga Khiangte pawhin thu sawiin Civil Hospital Aizawl-in MJA tan a thlawna inentirna an buatsaih \hin chu hun chep tak kara hnathawk \hin chanchinbumite tan a hlu hle tih a sawi.
