Zonet zawhna chhangin Traffic SP Pu Rodingliana Chawngthu chuan, intlan chhawkna dan thar hman \an ni nimin khan zing kar a\angin ruah a sur a, \um dangah pawh zing a\anga ruah a sur chuan ni danga lirthei keng chhuak ngai loten an ken chhuah tam avangin Traffic hi a tawt \hin hrim hrim a, hemi avang hian nimin chawhma lamah khan Aizawl khawpuui chhungah Traffic thawl phah angin a lang lo a, chawhnu lama khua a \hat deuh hnuah erawh Traffic hi a thawl phah hle nia hriat a ni, a ti a. Tukin lamah khan khawpui chhung hi a thawl deuh tura beisei ni mah se, zing dar 8 velah College hrang hrang hman tur Bus vailiamin Traffic a titawt deuh a, hei hi siamrem a nih hnuah chuan harsatna lutuk a thleng zui lo niin a sawi.
Traffic SP chuan, Traffic tawt vanga Aizawl khawpuiin harsatna a tawh sutkian chu sorkar thuneituten an ngai pawimawh hle tih sawiin, tun hmaa Traffic Police 303 awm \hin chu tun hnai khan Sorkar hotuten Police 92 an pek belh tih a sawi a, hei hian tun hmaa Police Duty indaih loh vanga harsatna an tawh \hin chu engemaw chen a sutkian beisei a ni, a ti. Hei bakah hian thil tihpui leh hmun pawimawh bika rawih turin Traffic Warden an awm tawh a, hei hian Traffic Police indaih lohna a tihziaawm hle tih a sawi bawk.
Intlan chhawkna dan thar hi ni hnih chiah hman ala nih avangin engtiang chiahin nge nghawng a neih dawn tih sawi lawk theih la ni lo mah se, a \ha zawnga nghawng thui tak nei turin beiseina sang tak an nei tih Pu Rodingliana Chawngthu chuan a sawi a. Mipui, a bikin Aizawla hnam dang awm zingah intlan chhawkna dan thar hman a ni tih hre lo engemawzat an la awm avangin dan thar hman a ni tih hre lote chu hriatthiamna thui tak an nei rih a, hetiang mi an hmuhte pawh thil awm dan hrilhfiahin, haw tir \hin an ni a ti a, karleh a\ang erawh chuan khauh taka dan kenkawh a nih tur thu a sawi.
Pu Rodingliana Chawngthu hian Khawpui chhung ti thawl tura hmalaknaah veng hrang hranga Local Council-te chu hman \angkai theih an nih a beisei thu leh veng \henkhat Local Council-in zan lama kawngpui sira lirthei hun phal lohna dan an kenkawh chu chhun lamah pawh kenkawh ni se, hei hian nasa takin khawpui chhung a tih thawl a beisei thu a sawi.
Traffic Management Coordination Committee thuchhuak anga Aizawl khawpui chhunga lirthei intlanchhawkna dan thar hman tak ang hian Thawh\anni-ah lirthei registration number 1 leh 2 a tawp te an tlan thei lo a, Thawhlehni-ah registration 3 leh 4 a tawp te, Nilaini-ah registration 5 leh 6 a tawp te, Ningani-ah registration 7 leh 8 a tawp te leh Zirtawpni-ah registration 9 leh 0 a tawp te an tlan thei dawn lo a. Tlan chhuah phal loh hun hi zing dar 9 leh tlai dar 5:30 inkar a ni. Intlan chhawk hian mimal motor leh sorkar lirthei, two-wheeler zawng zawng leh bungraw phur lirthei zawng zawng a huam a, District dang leh State pawna lirthei register te, Private Motor leh Bungraw phur motor Aizawl khawpui chhunga awm leh lut tur te pawh a huam vek a ni.
Lirthei intlanchhawk hian Inrinni leh Pathianni bakah Sorkar chawlh ni te a huam lo a, taxi bik chu Sticker A, B leh C hmanga intlanchhawk kalpui mek chu hman chhunzawm tur a ni a, Inrinni bikah chawhnu dar 1 a\angin Taxi-te hi an vaia tlan phalsak an ni.
