Thuchhuah an siamah Bru zirlaite chuan, Lalrawnliana rawng taka thah a ni chu an dem thu leh, Sorkar-in a titute rang taka a man chhuak chu lawmawm an tih thu an sawi a. Lalrawnliana thattute chu an phutawk hremna pe ngei tura an duh thu sawiin, he tualthihna avanga Nghalimlui khaw mipuite chenna in leh lo tihchhiat ani chu pawi an tih thu te, In leh lo tihchhiat avanga chenna tur nei mumal lo a awm mekte chu Sorkar-in ngaihven zui se an duh thu leh, hetiang thil duhawm lo hi tun hnuah thleng nawn tawh lo se, an ti a. Bru mipuite pawh fimkhur tura an duh thu an sawi.
