A hmanpuitu MNF President Pu Zoramthanga chuan, Congress in Budget cheng vaibelchhe sang 9 chuang nei chungin hnathawh mumal sawi tur an nei lo niin a sawi a, kum 10 chhungin kawng \ha mipui an pe thei lo a, an sum neih te chu tipung lovin a chi chawpin an kangpuak zel nia sawiin, an hnathawh kal ber chu zu zawrh niin a sawi.
An party in hmasawnna hnathawhna tura an duan SEDP kalpuina tur sum hai chhuah dan tur an hria niin Pu Zoramthanga chuan a sawi a, thuneihna an chan laiin plan sum hmang lovin building leh kawng \ha leh hmasawnna tam tak an thawk nia sawiin, inthlanah hnehna an chan chuan a aia nasain plan sum te lovin hmasawnna an thlen leh dawn niin a sawi.
MNF Treasurer Pu Vanlalzawma MLA pawhin thusawiin kumin Assembly inthlana thuneihna an chan a, amah an thlan tlin bawk chuan a bial chhunga la awm lo Hall \ha leh khelmual \ha te din a tum thu a sawi
Inkhawm hi Aizawl West III MNF block President Pu C Rochawiliana’n a kaihruai a, Ward No. 14 Councillor Pu Lalhmingmawia’n thu an sawi bakah MNF in zalenna a sual laia thi te leh la dam te chawimawina hun an hmang bawk a ni.
