Hawnna inkhawma thusawiin Pu Vanlalzawma chuan Congress sorkar chu eirawngbawlna Gas harsatna leh kawngchhe chungchangah mawh la ngam lovah a puh a, hming\hatna tur leh hawn tur awmah a titu nih chuh chak hle si an ni a ti bawk. Pu Vanlalzawma chuan MNF Party chu sorkar siam theia thlantlin a nih chuan mawhphurhna la ngam sorkar a ni dawn niin a sawi a, Congress sorkarin Mizoram Assembly-a zu zawrh pass-na tur bill a putluh \umin eptu MLA te chuan zu zawrh an duh loh avangin House rorelnaah an tel ve duh lova, an tel lovin zu zawrh phalna bill chu pass a ni ta niin a sawi a, hei hian nghawng \ha lo tak a neih zui avangin mi tam takin an thih phaha, hmeithai leh fahrah an tam ta niin a sawi a ni. Pu Vanlalzawma chuan, Mizoram dinhmun chhe tak siam\ha leh turin MNF party a sorkar a ngai niin a sawi a ni. ZPM chungchang sawiin Pu Vanlalzawma chuan, ZPM hi Movement a nih avangin an pawl hmingin candidate tumah an awm lova, independent vekin an ding a, thlantlin pawh nise an duhna lam lamah an peng thei dawn nia sawiin, ZPM thlantlin chu Mizoram mipui tan a him lo niin a sawi a ni. Pu Vanlalzawma chuan, ZPM chu sorkar pawh nise Chief Minister aia thu tur an awm niin a sawi a, an kalphung chu Communist inkaihhruaina nena inzul tak niin a sawi a, thuneihna sang tak neitu turte chu mipuite thlantlin ni lo an nih avangin mipui tan a him dawn lo niin a sawi bawk.
Nursery leh Bungkawn MNF unit Information Center hawnnaah hian MNF-in zalenna a sual laia thi te leh la damte hnenah chawimawina thuziak an hlan a, AMC Councillor, Pu Lalhmingmawia’n thu a sawi bawk.
